02.07.2026 | 09:06
ԱԺ տարածքային կառավարման, գյուղատնտեսության և ՇՄ պահպանության հարցերի հանձնաժողովի նիստը. ՈՒՂԻՂ
Մարտի 1-ի գործով պետք է բացատրություններ տա նաև Աղվան Հովսեփյանը. Անդրանիկ Քոչարյան. ՏԵՍԱՆՅՈՒԹ
Հասարակություն
05.06.2019 | 15:31
Իշխանական պատգամավոր Անդրանիկ Քոչարյանը 2010 թվականին երկու անգամ փաստահավաք խմբի գործունեության շրջանակում զրուցել է Ոստիկանության զորքերի շտաբի նախկին պետի հետ, ինքը կասկածներ է ունեցել, որ թե՛ մարտի 1-ին գործել են զինված ապօրինի խմբավորումներ, թե՛ անհամաչափ ուժ կիրառելու հետ կապված:
«Երբ հաղորդագրությունը կարդացի, որ նախաքննական մարմինն արդեն Գեղամ Պետրոսյանին ոչ միայն կանչել է, այլև միջնորդել է կալանավորման, և դա կապվում է կոնկրետ սպանության հետ, դա խոսում է այն մասին, որ նախաքննական մարմինը, ինչքան էլ տարբեր լրատվամիջոցներ ասում էին, որ Մարտի 1-ի բացահայտումը կապված է միայն Ռոբերտ Քոչարյանին մեղադրանք ներկայացնելու հետ, և դա չի առնչվում սպանություններին, ես միշտ ասել եմ, որ ամեն ինչ հերթով գալու է, որովհետև սպանությունների մի զգալի մասն անհնար է չբացահայտել»,- համոզված է ԱԺ «Իմ քայլը» խմբակցության պատգամավորը:
Նա հիշեցնում է, որ նախորդ 10 տարում Մարտի 1-ը չի բացահայտվել միայն օրվա իշխանությունների իջեցրած քաղաքական պատվերի պատճառով։ Նրանք հրահանգել էին գործը կոծկել, և այսօր կոծկողներից մեկը՝ այդ օրերի պաշտպանության նախարար Միքայել Հարությունյանը, փախել է Ռուսաստան։ Նրանք, որոնք Հայաստանում են, պարոն Քոչարյանը կուզեր տեսնել առնվազն հարցաքննվողների մեջ:
«Աղվան Հովսեփյանը, որը գլխավոր դատախազն էր այդ ժամանակ, ինքն էլ պետք է տա բացատրություններ, եթե չի տվել, թե ինչպես գլխավոր դատախազի պաշտոնը զբաղեցնելու պայմաններում հնարավոր է այդպիսի լայնածավալ կոծկումներ»,- ասաց Անդրանիկ Քոչարյանը:
Նախորդ իշխանությունները, ըստ Անդրանիկ Քոչարյանի, աշխատել են հրեշավոր մեթոդներով, որպեսզի հասարակությանը հայտնի չդառնա Մարտի 1-ին վերաբերող որևէ ճշմարտություն:
Մանրամասները՝ տեսանյութում:
