02.07.2026 | 12:16
ՀՀ-ն կդառնա ԵՄ անդամության կարգավիճակ չունեցող առաջին երկիրը, որի նկատմամբ ԵՄ-ն կկիրառի այս գործիքը․ Փաշինյան․ ՏԵՍԱՆՅՈՒԹ
Արթուր Ջավադյանն՝ իր ունեցվածքի վերաբերյալ լեգենդների ու վաստակած փողերի ծագումնաբանության մասին․ ՏԵՍԱՆՅՈՒԹ
Տնտեսություն
03.06.2019 | 18:35
Ազգային ժողովի «Լուսավոր Հայաստան» խմբակցության պատգամավոր Անի Սամսոնյանը Կենտրոնական բանկի նախագահ Արթուր Ջավադյանին այսօր հիշեցրեց, որ նրա և նրա ընտանիքի անդամների ունեցվածքի վերաբերյալ լեգենդներ են պտտվում, բայց քանի որ իրենք չեն սիրում առաջնորդվել բամբասանքներով, ուսումնասիրել են նրա և նրա ընտանիքի անդամների հայտարարագրերը և եկել այն եզրակացության, որ այդ լեգենդներում նաև որոշակի ճշմարտություններ կան։
«Կան տեղեկություններ, որ, օրինակ, Դուք բնակվում եք Վահագնի թաղամասում, ավելին պատրաստվում եք նոր բնակարան կառուցել, ըստ տեղեկությունների, նաև Դուք եղել եք առևտրային բանկի սեփականատեր, հետևաբար, հարց է առաջանում՝ պատրա՞ստ եք արդյոք անցումային արդարադատության ներդրման ժամանակ ապացուցել Ձեր և Ձեր ընտանիքի ամեն մի լումայի ծագումը»,- Ազգային ժողովում, դիմելով ԿԲ նախագահին, ասաց պատգամավորը։
Ի պատասխան Արթուր Ջավադյանը նշեց, որ իր պաշտոնավարման բոլոր տարիների վերաբերյալ էլ ներկայացրել է հայտարարագիր և պատրաստ է ցանկացած դրամի համար տալ պատասխան, իսկ ինչ վերաբերում է իր բնակության վայրին, ԿԲ նախագահն ասաց․ «Դուք անձնական տվյալներ եք հրապարակում, որի իրավունքը չունեք»։
Մանրամասները՝ տեսանյութում։
