02.09.2026 | 23:08
31 տեսախցիկ, 48 նոր ավտոմեքենա և ուսումնաարտադրական կենտրոններ․ Սրբուհի Գալյանը ներկայացրել է բարեփոխումները
Պուտինը Սիմֆերոպոլի օդանավակայանին Այվազովսկու անունն է շնորհել
31.05.2019 | 14:19
ՌԴ նախագահ Վլադիմիր Պուտինը Սիմֆերոպոլի միջազգային օդանավակայանին հայ ծովանկարիչ Հովհաննես Այվազովսկու անունն է շնորհել: «Օդանավակայաններին՝ Հայրենիքին առանձնահատուկ ծառայություններ մատուցած անձանց անուններ շնորհելու մասին» հրամանագիրը Պուտինը ստորագրել է այսօր, հաղորդում է «ՂրիմԻնֆորմ»-ը:
«Որոշում եմ Հայրենիքի հանդեպ առանձնահատուկ վաստակ ունեցող անձանց անունները շնորհել հետեւյալ օդանավակայաններին: …Սիմֆերոպոլի միջազգային օդանավակայանին՝ Հ.Կ. Այվազովսկու անունը»,- ասված Է փաստաթղթում:
Ռուսաստանի 47 օդանավակայաններն անվանափոխվում են «Ռուսաստանի մեծ անունները» նախագծի շրջանակում: Անցյալ տարվա նոյեմբերի 12-30-ը ՌԴ յուրաքանչյուր քաղաքացի կարող էր ընդհանուր ցանկից մեկ օդանավակայան ընտրել և քվեարկել «մեկ ձայն-մեկ օդանավակայան-մեկ անուն» սկզբունքով:
2018թ. դեկտեմբերի 4-ին հայտարարվեց, որ քվեարկության արդյունքում ամենաշատ ձայները հավաքել է Հովհաննես Այվազովսկու անունը: Ընդհանուր առմամբ, նախագծի շրջանակում 47 օդանավակայանի անվանափոխության քվեարկությանը 5 մլն ռուսաստանցի է մասնակցել:
