22.05.2026 | 17:35
Օվերչուկը հայտարարել է, թե Մոսկվան ցանկանում է, որ Հայաստանը մնա ԵՏՄ-ում
«Մենք եղել ենք Ղարաբաղում, հիմա Բաքու ենք գնում». «Արսենալի» երկրպագուները Բաքվում երգում են. ՏԵՍԱՆՅՈՒԹ
Քաղաքականություն
29.05.2019 | 16:53
Այսօր Ադրբեջանի մայրաքաղաք Բաքվում տեղի կունենա Եվրոպայի լիգայի եզրափակիչ՝ «Արսենալ»-«Չելսի» հանդիպումը։ Տարբեր երկրներից ֆուտբոլային երկրպագուներ են ժամանել Բաքու՝ ներկա գտնվելու լոնդոնյան երկու թիմերի հանդիպմանը:
«Արսենալ»-ի երկրպագուների յութուբյան էջը՝ ArsenalFanTV-ն, տեսանյութ է հրապարակել, որտեղ երևում է՝ ինչպես են ֆուտբոլային ակումբի երկրպագուները Բաքվի փողոցներից մեկում հավաքված երգում են. «Մենք եղել ենք Ղարաբաղում և ամենուր, Հիմա մեկնում ենք Բաքու՝ Եվրոպան տուն բերելու»:
Հիշեցնենք, որ այսօր կայանալիք Եվրոպայի լիգայի եզրափակիչ հանդիպման շուրջ տևական ժամանակ քննարկումներ էին ընթանում: Պատճառը ֆուտբոլային հանդիպմանն «Արսենալ»-ի հայազգի կիսապաշտպան, Հայաստանի հավաքականի ավագ Հենրիխ Մխիթարյանի հնարավոր բացակայությունն էր։ Ավելի ուշ Մխիթարյանը հայտարարել էր, որ անվտանգության նկատառումներից ելնելով՝ Բաքու չի մեկնի:
Նելլի Մելքոնյան
