02.09.2026 | 23:08
31 տեսախցիկ, 48 նոր ավտոմեքենա և ուսումնաարտադրական կենտրոններ․ Սրբուհի Գալյանը ներկայացրել է բարեփոխումները
Սաակաշվիլին Կիև կվերադառնա. նա Վարշավայում ուկրաինական հյուպատոսից անձը հաստատող փաստաթուղթ է ստացել
Քաղաքականություն
29.05.2019 | 16:22
Վրաստանի նախկին նախագահ, Օդեսայի նախկին նահանգապետ Միխեիլ Սաակաշվիլին այսօր Կիև կմեկնի: Դա հնարավոր է դարձել այն բանից հետո, երբ նա կրկին Ուկրաինայի քաղաքացիություն է ստացել: Այս մասին տեղեկացրել է ուկրաինական rbk-ն:
Սաակաշվիլին հայտնել է, որ Վարշավայում ուկրաինական հյուպատոսից անձը հաստատող փաստաթուղթ է ստացել՝ Ուկրաինա վերադառնալու համար:
Հիշեցնենք, որ մայիսի 23-ին Սաակաշվիլին Վլադիմիր Զելենսկու աշխատակազմին նամակ էր հանձնել, որտեղ խնդրել էր վերականգնել իր քաղաքացիությունը՝ պնդելով, որ այն իրենից անօրինական կերպով են վերցրել: «Ուկրաինա 112»-ի եթերում էլ Սաակաշվիլին հայտարարել է, որ քաղաքական հավակնություններ չունի:
Նախօրեին արդեն հայտնի դարձավ, որ Զելենսկին չի մերժել Սաակաշվիլու խնդրանքը և նրան վերադարձրել է Ուկրաինայի քաղաքացիությունը:
Նելլի Մելքոնյան
