09.06.2026 | 14:04
ԳՇ պետը` բանակում մահվան դեպքերի մասին․ ՏԵՍԱՆՅՈՒԹ
Զարուհի Փոստանջյանը միջնորդեց «Սասնա ծռերի» նիստերն անցկացնել դռնբաց
Հասարակություն
29.05.2019 | 11:54
«Սասնա ծռեր» խմբի տասն անդամի գործով դատական նիստը տևական ընդմիջումից հետո կրկին մեկնարկեց:
Այսօրվա դատական նիստի մեկնարկին պաշտպաններից Զարուհի Փոստանջյանը միջնորդեց դատական նիստերն անցկացնել դռնբաց դատական կարգով: Փոստանջյանը պնդեց, թե չկա որևէ մեկը, որը կցանկանա խաթարել դատական նիստի բնականոն ընթացքը. «Մի քանի օր շրջափակել էին դատարանների մուտքերը և անվստահություն էին հայտնում դատավորներին: Դուք ևս այդ թվում եք, և դատական համակարգի նկատմամբ վստահությունը բարձրացնելուն ուղղված քայլ է նիստերը դռնբաց անցկացնելը»:
Պավել Մանուկյանը և մյուսները միացան Փոստանջյանի միջնորդությանը: Մինչդեռ մեղադրող կողմն առարկեց՝ ասելով, որ այս միջնորդությունը դատարանը պետք է թողնի առանց քննության, հիշեցնելով, որ լրատվամիջոցները ներկա են նիստին և ապահովում են նիստի հանրայնացումը:
Դատավոր Մեսրոպ Մակյանը անփոփոխ թողեց նիստերը մասամբ դռնփակ անցկացնելու իր որոշումը:
Լիլիթ Շաբոյան
