15.05.2026 | 22:35
Իրանի դեմ պատերազմի սկսվելուց ի վեր Ադրբեջանում ավելի քան 220 կրոնական գործիչ է ձերբակալվել
Հավաքագրել ենք 1 մլն 60 հազար դոլար. ամփոփվում են Աննա Հակոբյանի՝ ԱՄՆ այցի արդյունքները. ՏԵՍԱՆՅՈՒԹ
Տնտեսություն
27.05.2019 | 12:20
ԱՄՆ կատարած այցի ընթացքում «Իմ քայլը» հիմնադրամին փոխանցվել է 1 մլն 60 հազար դոլար: Այսօր հրավիրված մամուլի ասուլիսում տեղեկացրեց հիմնադրամի գործադիր տնօրեն Հովհաննես Ղազարյանը:
«ԱՄՆ Կոնգրեսում ենք ունեցել հանդիպումներ, Կոնգրեսի գրադարանում: Այնուհետև կոնգրեսականներ Աննա Էշլի և Ջեքի Սպիրսի նախաձեռնությամբ եղել է հանդիպում կոնգրեսականների հետ, որտեղ տիկին Հակոբյանը հանդես է եկել ելույթով: Եղել է նաև հանդիպում միջազգային խաղաղության «Քարնեգի» հիմնադրամում, որտեղ հիմնական խոսնակը եղել է տիկին Հակոբյանը: Մասնավորապես, խոսվել է «Կանայք հանուն խաղաղության» նախաձեռնության մասին: Ունեցել ենք նաև համայնքային հանդիպումներ: Այնուհետև այցը շարունակել ենք Բոստոնում, որտեղ եղել է հանդիպում կրկին համայնքի հետ՝ Րաֆֆի և Նինա Ֆեսթենջյանների տանը. եղել է հանդիպում և երեկույթ՝ նվիրված «Իմ քայլը» հիմնադրամին, որտեղ ներկայացրել ենք մեր ծրագրերն ու գործունեության բնույթն առհասարակ»,- ԱՄՆ այցի արդյունքները ներկայացրեց Հովհաննես Ղազարյանը:
Նա տեղեկացրեց, որ Լոս Անջելեսում էլ տարբեր ձևաչափի հանդիպումներ են ունեցել համայնքի ներկայացուցիչների հետ:
«Հիմնական հանդիպումը եղել է «Ալեքս» թատրոնում, շուրջ 1.500 հոգի է մասնակցել այդ հանդիպմանը: Մասնակցություն ենք ունեցել հյուպատոսության 25-ամյակին նվիրված միջոցառմանը: Տարբեր բնույթի, տարբեր բնագավառներ ներկայացնող մարդկանց և կազմակերպությունների հետ հանդիպումներ ենք ունեցել, քննարկել ենք հնարավոր համագործակցության եզրերը: Նյու Յորքում հանդիպել ենք ՀԲԸՄ-ի ակտիվ կանանց հետ՝ շուրջ 30 հոգի, որտեղ նույնպես ներկայացրել ենք հիմնադրամը, մեր անելիքները: «Իմ քայլը» հիմնադրամի համար հավաքել ենք 1 մլն 60 հազար դոլար, որից 500 հազարը կստանանք այն պարագայում, երբ մեր ծրագրերը հավուր պատշաճի իրականացնենք 6 ամսվա ընթացքում: Այդ պայմանը դրվել է «Մանուկյան Սիմոն» հիմնադրամի կողմից»,- ասաց հիմնադրամի տնօրենը:
Մանրամասները՝ տեսանյութում:
Շողիկ Գալստյան
