08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Փաշինյանի հայտարարությունից երկու օր անց ոչ մի դատավոր հրաժարականի դիմում չի ներկայացրել
Հասարակություն
22.05.2019 | 12:43
«Հայաստանի ժողովուրդը դատական իշխանությունն ընկալում է որպես նախկին կոռումպացված համակարգի մնացուկ, որտեղ անընդհատ դավադրություններ են նախագծվում և իրագործվում ժողովրդի դեմ»,- մայիսի 20-ին Կառավարությունում ասաց վարչապետ Նիկոլ Փաշինյանը՝ անդրադառնալով դատաիրավական համակարգում տիրող իրավիճակին։
Նա նշեց, որ եկել է այդ համակարգում վիրահատական միջամտություններ անցկացնելու ժամանակը և թվեց նման միջամտությունների համար անհրաժեշտ կետերը, որոնցից մեկով բոլոր այն դատավորները, որոնք իրենց ներսում գիտեն, որ չեն կարող լինել անաչառ և օբյեկտիվ դատավորներ, պետք է հրաժարական տան՝ այդպիսով կարևոր ծառայություն մատուցելով Հայաստանի Հանրապետությանն ու նրա ժողովրդին:
Factor.am-ը Փաշինյանի այս հայտարարությունից երկու օր անց փորձեց պարզել, թե քանի՞ դատավոր է հետևել վարչապետի այս կոչին ու ներկայացրել հրաժարականի դիմում։
«Մայիսի 22-ի դրությամբ որևէ դատավորի հրաժարականի դիմում համակարգում առկա չէ»,- մեզ հետ զրույցում ասաց ՀՀ դատական դեպարտամենտի արարողակարգի և հասարակայնության հետ կապերի վարչության պետ Արման Խաչատրյանը։
Աղավնի Սուքիասյան
