03.07.2026 | 05:09
ԱԱ-2026. Պորտուգալիան հաղթանակ կորզեց ու կխաղա Իսպանիայի հետ. ՏԵՍԱՆՅՈՒԹ
ՀԱՊԿ գլխավոր քարտուղարի նշանակման որոշումը կայացվում է կոնսենսուսի հիման վրա. ԱԳՆ խոսնակ. ՏԵՍԱՆՅՈՒԹ
Քաղաքականություն
21.05.2019 | 11:55
Այն, որ ՀԱՊԿ նոր գլխավոր քարտուղարը պաշտոնավարելու է 2020 թվականի հունվարի 1-ից և այդ պաշտոնը ստանձնելու է Բելառուսի ներկայացուցիչը, կարող ենք ենթադրել, բայց ոչ պնդել, քանի որ դեռ համապատասխան որոշում չկա: Լրագրողների հետ ճեպազրույցում այս մասին ասաց ՀՀ ԱԳՆ խոսնակ Աննա Նաղդալյանը՝ անդրադառնալով Ստանիսլավ Զասի հավանական նշանակման հետ կապված հարցին:
«ՀԱՊԿ-ը ղեկավարվում է անդամ պետությունների, Հավաքական անվտանգության խորհրդի կողմից, և ներկայացնում է անդամ պետությունների շահերը: Իսկ գլխավոր քարտուղարն այդ պետություններին սպասարկող քարտուղարության վարչական ղեկավարն է, որը պատասխանատու է քարտուղարության բնականոն գործունեության, տեղում գործող մարմինների համակարգման համար: Եվ մենք գլխավոր քարտուղարի թեկնածությունը գնահատում ենք այն առումով, թե նա որքանով է կարող կառավարել գլխավոր քարտուղարությունը»,- ասաց նա:
Աննա Նաղդալյանը հավելեց, որ գլխավոր քարտուղարի նշանակման որոշումը կայացվում է անդամ պետությունների կողմից՝ միայն կոնսենսուսի հիման վրա:
Այս պահին, ըստ ԱԳՆ խոսնակի, քննարկվում են գլխավոր քարտուղարի նշանակման կարգը և իրավական հարցեր:
Նշենք, որ վաղը կայանալիք ՀԱՊԿ ԱԳ նախարարների խորհրդի նիստին մասնակցելու նպատակով արդեն այսօր ԱԳՆ ղեկավար Զոհրաբ Մնացականյանը Բիշքեկ կմեկնի:
Մանրամաները՝ տեսանյութում:
