06.06.2026 | 10:33
Ըստ մեղադրանքի՝ Նորակերտի նախկին ղեկավարը յուրացրել է շուրջ 40 գույք՝ համայնքի հողեր, շենքեր և ավտոմեքենաներ
Հայկ Սարգսյանը խմբագրել է իր աղմկահարույց գրառումը
Հասարակություն
18.05.2019 | 13:51
Ազգային ժողովի «Իմ քայլը» խմբակցության պատգամավոր Հայկ Սարգսյանն այսօր իր ֆեյսբուքյան էջով կոչ էր արել թույլ չտալ, որ․«Երևան քաղաքը տանկերով գրաված, 10 քաղաքացիների կյանք խլած, հազարավոր մարդկանց ճակատագրեր խեղած մարդուն ազատ արձակեն Ղարաբաղի 2 նախագահների երաշխավորությամբ և 20-30 աջակիցների կողմից դատարանի բակում «Ազատություն հերոսին» ակցիաների ճնշման տակ: Միմիայն ժողովրդի ստվար զանգվածը, նրա ահագնացող ցասումը և պատժի անխուսափելիությունը կստիպեն դատավորին արդար որոշում կայացնել: Այսօր ժամը 13:00 բոլորս դեպքի Նոր Նորքի դատարան»։
Հայկ Սարգսյանը ավելի ուշ սակայն խմբագրել է իր գրառումը՝ ավելացնելով․ «Երբ մեղադրյալ Քոչարյանի կողմնակիցները դատարանի շենքում և դատարանի դիմաց հարվածում ու հայհոյում են այլ կարծիք հայտնողներին դա ճնշում չէ՞։
Երբ Արցախի նախկին և գործող նախագահները գալիս են դատարան, նստում են մեղադրյալի կողքին՝ դա ճնշում չէ՞։
Իսկ երբ այս մասին այլ էջում տեղադրած գրառումով ես կիսվում եմ՝ դա ճնշո՞ւմ է»։
Նշենք, որ Հայկ Սարգսյանի այսօրվա ֆեյսբուքյան առաջին գրառումից հետո Քոչարյանի պաշտպան Հայկ Ալումյանը հրատապ ասուլիս էր հրավիրել՝ կոչ անելով ՀՀ նախագահին, վարչապետին և ուժային կառույցներին թույլ չտալ ճնշում գործադրել դատարանի վրա։
