10.10.2026 | 21:37
Կանանց Հայաստանի հավաքականը ոչ-ոքի խաղաց Ինդոնեզիայի հետ
Նախարարությունում ռումբ չհայտնաբերվեց. ո՞վ էր կեղծ ահազանգի հեղինակը
Հասարակություն
01.09.2017 | 19:07
Տրանսպորտի, կապի և տեղեկատվական տեխնոլոգիաների նախարարությունում այսօր աշխատանքային օրը սկսվել էր արտակարգ միջադեպով: Ժամը 10:30-ի սահմաններում ոստիկանությունն անհայտ քաղաքացու կողմից ահազանգ էր ստացել, որ նախարարությունում ռումբ է տեղադրված:
Անմիջապես դեպքի վայր էին ժամանել արտակարգ իրավիճակների նախարարության մեկ մարտական հաշվարկ, Ճգնաժամային կառավարման ազգային կենտրոնի արտակարգ իրավիճակների արձագանքման խումբը, Հատուկ նշանակության փրկարարական աշխատանքներ իրականացնող կենտրոնի փրկարարական ջոկատը և սակրավորների խումբը, ինչպես նաև ոստիկանության և շտապօգնության աշխատակիցները: Տարհանվել էին նախարարության մոտ 150 աշխատակիցներ:
Մոտ երեք ժամ տևած տեղազննման աշխատանքներից հետո, սակայն, պարզվեց, որ ահազանգը կեղծ էր:
Ոստիկանության լրատվության բաժնից Factor.am-ին հայտնեցին, որ մինչ այս պահը ահազանգի հեղինակը հայնտաբերված չէ:
Ի դեպ, մինչ նախարարության բնականոն աշխատանքը խաթարված էր, գերատեսչության ղեկավար Վահան Մարտիրոսյանը նախագահ Սերժ Սարգսյանի հետ մասնակցում էր Վարդենիս-Մարտակերտ ավտոճանապարհի բացման արարողությանը:
Շողիկ Գալտսյան
