16.12.2025 | 19:13
Հայաստանի Սահմանադրությունը պետք է համապատասխանեցվի նախաստորագրված խաղաղության համաձայնագրին. Ալիևի ներկայացուցիչ
Դատախազությունը միջնորդել է Քոչարյանի գործը քննել դռնփակ. Արամ Օրբելյան. ՏԵՍԱՆՅՈՒԹ
Հասարակություն
15.05.2019 | 14:43
Դատախազությունը միջնորդել է դռնփակ դատական նիստ անել՝ պատճառաբանելով, որ ցուցմունքներից կարող են հատվածներ հրապարակվել, չնայած ուզում եմ բոլորի ուշադրությունը հրավիրել այն փաստի վրա, որ նախաքննությունն ավարտվել է, մեղադրական եզրակացությունը հաստատվել է, իսկ նախաքննության գաղտնիքի խնդիր չկա, պետական գաղտնիքի խնդիր՝ նույնպես։
Այս մասին այսօր լրագրողների հետ զրույցում ասաց Ռոբերտ Քոչարյանի փաստաբան Արամ Օրբելյանը։
Պաշտպանի խոսքով՝ Քրեական դատավարության օրենսգրքի՝ դռնփակ դատական նիստ անելու միջնորդության քննարկումը նույնպես իրականացվում է դռնփակ ռեժիմով: «Դրա համար դատարանն ընդմիջում տվեց, որ քննվի և որից հետո դռնփակ կլինի: Մենք գտնում ենք, որ դռնփակ դատական նիստ անելու որևէ հիմք չկա»,- ասաց նա՝ նշելով, որ հղում է արվում նաև այն հանգամանքին, որ վկաները պետք է քննվեն անջատ։
«Այո՛, վկաներին միաժամանակ դահլիճում չեն պահում և չեն հարցաքննում միաժամանակ, բայց քանի որ գործի զգալի մասը վկաների հարցաքննություն է լինելու, դա չի նշանակում, որ կարող է անցկացվել դռնփակ, դա կխաթարի արդար, թափանցիկ դատավարության իրավունքը»,- ասաց Օրբելյանը։
Մանրամասները՝ տեսանյութում։
