Շվեդիան կվերսկսի Ջուլիան Ասանժի դեմ բռնաբարության մեղադրանքների վերաբերյալ հետաքննությունը

Շվեդ դատախազները կվերսկսեն Ջուլիան Ասանժի դեմ բռնաբարության մեղադրանքների վերաբերյալ հետաքննությունը` հնարավորինս շեղելով ռազմական համակարգիչները կոտրելու և գաղտնիքները տարածելու համար նրան արտահանձնելու՝ ԱՄՆ-ի փորձերը։  Այս մասին հայտնում է Bloomberg-ը։

Շվեդիայի իշխանությունները ցանկանում են Ասանժին հարցաքննել՝ 9 տարվա վաղեմությամբ մեղադրանքներով, որոնք թաքցվել էին, երբ Ասանժը խուսափել էր գրավից և Լոնդոնում Էկվադորի դեսպանատնից ապաստան խնդրել։

«Կարող են արտահանձնման կոնֆլիկտային առաջարկներ լինել և այդ ժամանակ արդեն ամեն ինչ Մեծ Բրիտանիայի ձեռքում կլինի։ Կտեսնեք՝ նրանք ինչ առաջնահերթություններ կունենան»,- նշել է Հանրային դատախազության փոխտնօրեն Էվա-Մարի Փերսոնը։

Նա հույս է հայտնել, որ այս անգամ որոշումն ավելի արագ կկայացվի։

Եթե Շվեդիան ԱՄՆ-ից արտահանձնում պահանջի, գլխավոր քարտուղար Սայիդ Ջավիդը կընտրի, թե գրավից խուսափելու համար Ասանժի 50-շաբաթյա ժամկետի ավարտին որ գործն առաջինը քննել՝ Շվեդիայի, թե ԱՄՆ-ի։ ԱՄՆ-ի արտահանձնման օրենքի համաձայն՝ Ջավիդը պետք է համեմատի գործոնները՝ ներառյալ վիրավորանքի լրջությունը և հրամանի արձակման ամսաթիվը։

Շվեդիան Ասանժին ձերբակալելու հրամանը 2010-ին է տվել։ Արտահանձնման հրամանի դեմ նա մինչև Մեծ Բրիտանիայի Գերագույն դատարան է պայքարել, որտեղ 2012-ին դատը պարտվել է։ Գրավի դիմաց ազատ արձակվելուց հետո, Անանժն Էկվադորի դեսպանատանն ապաստան է խնդրել և, տարիներ անց, շվեդ դատախազները հետաքննությունը դադարեցրել են, քանի որ նրա բացակայության պայմաններում այն շարունակելն անհնար էր դարձել։

Դեսպանատնից վտարվելուց հետո, Ասանժը ձերբակալվել էր բրիտանական ոստիկանության կողմից, և կինը, որը Շվեդիայում նրա դեմ մեղադրանքներ էր ներկայացրել, դատախազներին խնդրել էր վերսկսել բռնաբարության վերաբերյալ հետաքննությունը։

Ասանժի շվեդ իրավաբան Պեր Սամուելսոնը նշել էր, որ գործը շարունակելու որոշումն անակնկալ էր։

«Տասը տարվա պատմության հետո նորից գործ ունենալը՝ չափից շատ է։ Ընդհանուր առմամբ, դատախազի կողմից սխալ է այս հարցով նրան նորից անհանգստացնելը»,- նշել է Սամուելսոնը։

Հիշեցնենք, որ Վիկիլիքսի հիմնադիր Ջուլիան Ասանժի դեմ երկու կին բռնաբարության մեղադրանք է ներկայացրել։ Նրանք երկուսն էլ Վիկիլիքսի աջակցիներն են և 2010 թվականին շրջագայության ժամանակ Ասանժին թույլ են տվել իրենց տանը մնալ։

Նելլի Մելքոնյան