16.12.2025 | 11:24
ՀԿԿ նախագահը մասնակցում է ՄԱԿ-ի Կոռուպցիայի դեմ կոնվենցիայի մասնակից պետությունների 11-րդ համաժողովին
Մանվել Գրիգորյանը ներկա է դատական նիստին. այն կանցնի դռնփակ
Հասարակություն
13.05.2019 | 16:30
Երևանի ընդհանուր իրավասության դատարանում մեկնարկեց ԱԺ նախկին պատգամավոր գեներալ Մանվել Գրիգորյանի և նրա կնոջ՝ Նազիկ Ամիրյանի գործով դատական նիստը:
Նիստին ներկա է Մանվել Գրիգորյանը:
Գրիգորյանի պաշտպան Արսեն Մկրտչյանը դիմեց դատավորին՝ խնդրելով լրատվամիջոցներին դուրս գալ նիստերի դահլիճից՝ քանի որ Գրիգորյանի առողջական վիճակը դեռևս բավարար չէ և գուցե կարիք լինի նիստի ընթացքում նրան բուժօգնություն ցույց տալու:
Դատավոր Մնացական Մարտիրոսյանը հայտարարեց, որ դատարանը մերժում է լրատվամիջոցների միջնորդությունը՝ նիստը տեսա-լուսանկարահանելու վերաբերյալ և դատական նիստը կանցնի դռնփակ։
Հիշեցնենք՝ Մանվել Գրիգորյանին ու Նազիկ Ամիրյանին նույն մեղադրանքն է առաջադրվել, ըստ որի Մանվել Գրիգորյանը ապօրինի կերպով «Զենքի մասին» ՀՀ օրենքով նախատեսված սահմանափակումների շրջանցմամբ, կնոջ՝ Նազիկ Ամիրյանի, որդու՝ Արման Գրիգորյանի և քննությամբ չպարզված այլ անձանց հետ նախնական համաձայնությամբ, ապօրինի կերպով ձեռք են բերել, փոխադրել և իրենց պատկանող երեք տներում պահել են հրազեն, ռազմամթերք, ակոսափող հրազենի փամփուշտներ, պայթուցիկ նյութեր, ինչպես նաև կատարել է տարբեր տեսակի հափշտակություններ։
