09.08.2026 | 15:31
Հրդեհը բռնկվել է տանը կից շոգեբաղնիքում․ ՆԳՆ
Հարավային Կորեան հրաժարվել է ԱՄՆ-ի միջուկային զենք տեղակայել երկրում
Քաղաքականություն
01.09.2017 | 10:51
Սեուլի նախագահի վարչակազմը հայտարարել է, որ չի քննարկում երկրի տարածքում ԱՄՆ-ի միջուկային զենքի տեղակայման հարցը. փոխանցում է ria.ru-ն։
«Մենք երբեք չենք մտածել, որ ԱՄՆ-ի միջուկային ակտիվները պետք է տեղակայենք մեր երկրում»,-լրագրողներին հայտնել է վարչակազմի ներկայացուցիչը։
Հիշեցնենք, որ Կորեական թերակղզու շուրջ իրադրությունը սրվել է Հյուսիսային Կորեայի և ԱՄՆ-ի միմյանց ուղղված կոշտ հայտարարություններից հետո: Հյուսիսային Կորեան խոստացել է բալիստիկ հրթիռ արձակել ամերիկյան Գուամի ուղղությամբ, ուր տեղակայված են ամերիկյան Անդերսեն ռազմաօդային բազան և ռազմածովային ՝ Ապրա-հարբորն բազան: Ի պատասխան ԱՄՆ նախագահ Դոնալդ Թարմփն ասել է, որ եթե Գուամի հետ ինչ-որ բան պատահի, ապա Հյուսիսային Կորեայում այնպիսի բաներ տեղի կունենան, որ դեռ ոչ ոք երբեք չի տեսել:
