Հասարակություն
08.05.2019 | 16:07Ազգային ժողովի «Լուսավոր Հայաստան» խմբակցության պատգամավոր Էդմոն Մարուքյանն այսօր խորհրդարանում «Դատախազության 2018 թվականի գործունեության մասին» հաղորդումը ներկայացնող գլխավոր դատախազ Արթուր Դավթյանից հետաքրքրվեց արդյոք հարուցվե՞լ են քրեական գործեր Երևանում սեփականաշնորհված մանկապարտեզների վերաբերյալ և հնարավոր է այդ գույքը պետությանը վերադարձնել։
Ի պատասխան գլխավոր դատախազն ասաց, որ արդեն իսկ Դատախազությունում հարուցվել է քրեական գործ 5 մանկապարտեզների սեփականաշնորհման փաստով։
«Ներկայումս մեր մասնագիտացված ստորաբաժանումը մանրակրկիտ ուսումնասիրություններ է կատարում մանկապարտեզների ձեռքբերման գործընթացի ուղղությամբ։ Ունենք նաև հարուցված քրեական գործ, որով առաջարկվել է 5 մանկապարտեզի գործունեությունը քննության առարկա դարձել: Ձեռք են բերվել տվյալներ առերևույթ հանցագործության մասին»,- ասաց Դավթյանը՝ շեշտելով, ակնկալվում է, որ այդ գույքը պետությանը պետք է վերադարձվի։
Մանրամասները՝ տեսանյութում։
