18.12.2025 | 23:24
ՀՀ տարածքում ավտոճանապարհները հիմնականում անցանելի են
Իրանը դադարեցրել է միջուկային համաձայնագրի պարտավորությունների մի մասի կատարումը
Քաղաքականություն
08.05.2019 | 13:37
Թեհրանը հինգ նամակ է ուղարկել իրանական միջուկային համակարգի մասին համաձայնագրի երկրներին՝ պարտավորությունների մի մասի կատարումը դադարեցնելու վերաբերյալ։ Այս մասին հայտնում է ՌԻԱ Նովոստին։
Ավելի վաղ կայքը հայտնել էր, որ նամակների հասցեատերերը Մեծ Բրիտանիան, Ֆրանսիան, Գերմանիան, Չինաստանն ու Ռուսաստանն են։ Իրանի առաջնորդն ընդգծել է, որ սա դեռ միջուկային համաձայնագրի «վերջը» չէ։ Այդուհանդերձ, Թեհրանն իրեն պարտավորված չի համարում հետևել բոլոր սահմանափակումներին և համաձայնագրի երկու կետերի վերաբերյալ սեփական քաղաքականությունն ունի։ Այդ կետերն առնչվում են հարստացված ուրանի և ծանր ջրի պաշարների պահպանմանը։
Իրանի Ազգային անվտանգության բարձրագույն խորհրդի հայտարարության մեջ ասվում է, որ հինգ գործընկերներին Իրանը 60 օր ժամանակ է տալիս՝ կատարելու իր շահերն ապահովող բոլոր պարտավորությունները, այդ թվում՝ բանկային և նավթային ոլորտներում։ Եթե դա տեղի չունենա, հաջորդ քայլը կլինի Իրանի Արաք քաղաքում հրթիռների արդիականացման դադարեցումը, ինչպես նաև հրաժարումը՝ ուրանի հարստացման վերաբերյալ սահմանափակումներից։
