08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
«Հետևի դռնով վայրկյանների ընթացքում ինձ հանեցին». Վանաձորում փաստաբանի նկատմամբ փորձել են բռնություն կիրառել
Հասարակություն
03.05.2019 | 21:16
Այսօր Լոռու մարզի ընդհանուր իրավասության դատարանում քրեական գործի շրջանակներում հրավիրված նիստի ընթացքում, տուժող կողմի իրավահաջորդի հետ եկած անձինք փորձել են բռնություն կիրառել փաստաբան Կարեն Թումանյանի նկատմամբ. «Սա երկրորդ նիստն էր: Ապացույցներ էինք հետազոտում, ամենքս մեր դիրքորոշումն էինք ասում գործի վերաբերյալ: Մինչ այդ ո՛չ անձնական վիրավորանք, ո՛չ մի բան չի եղել: Մի ամբողջ դահլիճ, 50 հոգի մարդիկ էին, իմ խոսելու ժամանակ հարձակվեցին վրաս: Կարգադրիչները քիչ էին, չէին կարողանում իրենց պահել, բայց դիմացը փակեցին, հետևի դռնով վայրկյանների ընթացքում ինձ հանեցին, մինչև օպեր խումբը եկավ»,- Factor.am-ի հետ զրույցում ասաց փաստաբան Կարեն Թումանյանը:
Դեպքի հետ կապված և՛ Լոռու մարզի ընդհանուր իրավասության դատարանը, և՛ Կարեն Թումանյանը հաղորդում են ներկայացրել ոստիկանություն:
«Պետք է քննվի, ենթադրում եմ քրեական գործ կհարուցվի: Դա ոչ միայն իմ անձի հետ է կապված, այլև դատարանի նկատմամբ անհարգալից վերաբերմունք էր»,- ասաց Թումանյանն ու նկատեց՝ վերջին շրջանում փաստաբանների նկատմաբ բռնության դեպքեր հաճախակի են լինում:
Տաթևիկ Ղազարյան
