16.12.2025 | 13:42
ՀՀ-ն ՆԱՏՕ-ին անդամակցելու հավակնություն չունի. Սարգիս Խանդանյան․ ՏԵՍԱՆՅՈՒԹ
Մանվել Գրիգորյանը ազատ չարձակվեց
Հասարակություն
02.05.2019 | 14:22
Մանվել Գրիգորյանը կշարունակի մնալ կալանքի տակ, նրա խափանման միջոցը չի փոխվի գրավով: Այսօր դատարանում նման որոշում կայացրեց Մնացական Մարտիրոսյանը:
Ավելի վաղ Մանվել Գրիգորյանի պաշտպանները միջնորդել էին նրան գրավով ազատ արձակել: Մանվել գրիգորյանը դեռևս գտնվում է քաղաքացիական հիվանդանոցում:
Այսօր նրա և նրա կնոջ՝ Նազիկ Ամիրյանի գործով նախնական դատական նիստն էր:
Հիշեցնենք՝ Մանվել Գրիգորյանը մեղադրվում է ապօրինի կերպով զենք-զինամթերք պահելու, ավելի քան 101 միլիոն դրամի գույք յուրացնելու, ավելի քան 1 միլիարդ դրամի հարկերի վճարումից խուսափելու, պետական միջոցներից ավելի քան 1 միլիարդ դրամ վատնելու և շորթմամբ 37 միլիոն դրամ արժողությամբ գույքի հափշտակությունը կազմակերպելու համար:
Ըստ մեղադրանքի` Գրիգորյանը կնոջ, որդու և այլ անձանց հետ նախնական համաձայնությամբ, ապօրինի կերպով ձեռք են բերել, փոխադրել և իրենց պատկանող տարածքներում ապօրինի կերպով պահել հրազեն, ռազմամթերք, ակոսափող հրազենի փամփուշտներ, պայթուցիկ նյութեր:
Լիլիթ Շաբոյան
