07.05.2024 | 17:00
ՌԴ-ն դադարեցրել է Ղրիմի կամուրջն օգտագործել ռազմական բեռների համար
Հովիկ Աբրահամյանի անձնագիրը դեռ իրավապահների մոտ է, նա երկրից հեռանալ չի կարող
Հասարակություն
30.04.2019 | 18:54
Factor.am-ի ճշտված տեղեկություններով ՀՀ նախկին վարչապետ Հովիկ Աբրահամյանի անձնագիրը ՀՔԾ-ն դեռևս չի վերադարձրել և Աբրահամյանի նկատմամբ ընտրված խափանման միջոց ստորագրությունը շարունակում է ուժի մեջ մնալ։
Ըստ այդմ՝ Հովիկ Աբրահամյանը երկրի սահմանը հատել չի կարող։ Նախկին պաշտոնյայի պաշտպանը չցանկացավ մեկնաբանել գործի առնչությամբ որևէ հարց, իսկ Աբրահամյանի հեռախոսահամարին պատասխանեց մի տղամարդ, որը ներկայացավ որպես օգնական։ Նա խնդրեց ներկայանալ, երբ լսեց, որ զանգահարողը լրագրող է, ասաց, որ կփոխանցի Աբրահամյանին ու անջատեց լսափողը։
Հիշեցնենք, որ ավելի վաղ Հովիկ Աբրահամյանը ֆեյսբուքյան գրառման միջոցով հայտնել էր, որ Հատուկ քննչական ծառայությունում (ՀՔԾ) իրեն մեղադրանք են առաջադրել և երկրից չհեռանալու մասին ստորագրություն վերցրել: Աբրահամյանին մեղադրանք է առաջադրվել պաշտոնեական լիազորություններն անցնելու (Քրեական օրենսգրքի 309-րդ հոդվածի առաջին մաս) և ձեռնարկատիրական գործունեությանն ապօրինի մասնակցելու (ՔՕ 310-րդ հոդված) համար։
Լիլիթ Շաբոյան
