08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
400 մլն դրամ կամ 1 մլն դոլար․Արթուր Ալեքսանյանի ըմբշամարտի դպրոցի հարցում Փաշինյանը կոչ է անում դիմել գործնական քայլերի․ ՏԵՍԱՆՅՈՒԹ
25.04.2019 | 12:42
Կառավարության ղեկավար Նիկոլ Փաշինյանն այսօր Կառավարության նիստում սպորտի և երիտասարդության հարցերի նախարարի պաշտոնակատար Գաբրիել Ղազարյանից հետաքրքրվեց՝ ինչով է պայմանավորված Արթուր Ալեքսանյանի ըմբշամարտի դպրոցի վերանորոգման աշխատանքների ձգձգումը։
«Ես ճի՞շտ եմ հիշում, որ խոսակցություն է եղել, որ այդ դպրոցը պետք է վերանորոգվի և բերվի ժամանակակից վիճակի»,- դիմելով նախարարի պարտականությունները կատարողին՝ հարց ուղղեց Փաշինյանը։
Ի պատասխան՝ Գաբրիել Ղազարյանը նշեց, որ այդ հարցը քննարկվում է 2015 թվականից, Ալեքսանյանի անվան ըմբշամարտի դպրոցի հետ կապված նախագծահաշվարկային աշխատանքները կատարվել են և Քաղաքաշինության կոմիտեի նախագահի հետ արդեն իսկ զրուցել են՝ հասկանալու համար, թե ի՞նչ գումարի մասին է խոսքը։
«Եկեք պայմանավորվենք, որ արդեն գործնական փուլի պետք է անցնենք։ Հիմնանորոգման համար նշվում է 400 մլն դրամ, իսկ նոր դպրոց կառուցելու համար՝ 1 մլն դոլարին համարժեք դրամ։ Եկեք պայմանավորվենք, որ շատ արագ որոշումներ կայացնենք և գումարը հատկացնենք»,- ասաց վարչապետը։
Մանրամասները՝ տեսանյութում։
