08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Դավիթ Սանասարյանի պաշտպանները դիմել են գլխավոր դատախազին նրա լիազորությունները կասեցնելու որոշումը վերացնելու և գործը ԱԱԾ-ից տեղափոխելու համար
Հասարակություն
22.04.2019 | 18:31
Պետական վերահսկողության ծառայության պետ Դավիթ Սանասարյանի պաշտպանները դիմել են գլխավոր դատախազին, որպեսզի Սանասարյանին որպես մեղադրյալ ներգրավելու մասին որոշումը, ինչպես նաև վերջինիս լիազորությունները կասեցնելու որոշումը չեղարկի։
Այս մասին Factor.am-ի հետ զրույցում ասաց Դավիթ Սանասարյանի պաշտպան Ինեսսա Պետրոսյանը:
Բացի այդ պաշտպանական կողմը նաև խնդրել է, որպեսզի քրեական գործը ԱԱԾ-ի վարույթից հանձնվի այլ մարմնի: «ԱԱԾ-ում Սանասարյանի նկատմամբ կանխակալ վերաբերմունք կա։ Սանասարյանը ԱԱԾ քննչական դեպարտամենտի նկատմամբ վստահություն չունի»,- ասաց փաստաբանը։
Հիշեցնենք, որ ապրիլի 18-ին ՊՎԾ պետ Դավիթ Սանասարյանին պաշտոնական լիազորությունները չարաշահելու համար մեղադրանք է առաջադրվել։ Նրա լիազորությունները դադարեցված են։
Լիլիթ Շաբոյան
