24.11.2024 | 14:02
Ավտոմեքենայի դուռը փակվել է, 1-ամյա երեխան մնացել է ներսում․ օգնել են փրկարարները
Ենթադրենք ոչ մի օտար բառ չթարգմանենք՝ միանգամից կհարստանա՞ հայերենը. Վաչագան Սարգսյանը՝ Հրանտ Բագրատյանին
Հասարակություն
23.08.2017 | 20:06
Գրող, հրատարակիչ, «9-րդ հրաշալիք» շաբաթաթերթի հիմնադիր ու գլխավոր խմբագիր Վաչագան Սարգսյանը ֆեյսբուքյան իր էջում գրառում է կատարել՝ անդրադառնալով Հրանտ Բագրատյանի՝ «հայերենը աշխարհի ամենաաղքատ լեզուներից մեկն է» արտահայտությանը:
Հիշեցնենք, որ ՀՀ նախկին վարչապետի արտահայտած կարծիքը բուռն քննարկման առիթ հանդիսացավ, և օրերս էլ նա նույն հարցով Պետրոս Ղազարյանի «Ուրվագիծ» հաղորդաշարի հյուրն էր:
«Լսեցի Հրանտ Բագրատյանին՝ Պետրոս Ղազարյանի հյուրն էր:
Լավ, ասենք հայերենը աղքատ է կամ աղքատացել է: Չհնչեց պատասխան՝ լավ, ի՞նչ անենք: Ենթադրենք ոչ մի օտար բառ չթարգմանենք՝ միանգամից կհարստանա՞: Թե՞ հրաժարվենք էդ խեղճ ու կրակ լեզվից և գիտական գրականություն ստեղծենք օտար լեզվով:
Չհասկացա նաև՝ ո՞ւմ է մեղադրում Հրանտ Բագրատյանը, որ հայերենն աղքատ է: Ինչո՞ւ ինքն էլ մեղավորների շարքում չէ, այլ վերևից դատաստան է կարդում:
Պետրոսը կամ միտումնավոր, կամ էլ չիմացությամբ Պուշկինի ու Շեքսպիրի հարցը սվաղեց: Ասելով, որ նրանք հարստացրել են իրենց ազգի լեզուները:
Այնինչ. Պուշկինը ոչ թե ռուսերենը հարստացրել է 24000 բառով /որն անհեթեթություն է /, այլ իր ստեղծագործություններում գործածել է ընդամենը 24000 բառ, Շեքսպիրը՝ 15 000, Թումանյանը՝ 9000, Պարույր Սևակը՝ 25 000: Գրել, որ մի անհատ կարող է 25000 բառ ավելացնել որևէ լիզվի բառամթերք, նշանակում է շա՜տ հեռու լինել լեզվից»,- գրել է նա:
