17.12.2025 | 23:55
ՊՍԺ-ն՝ Միջմայրցամաքային գավաթի հաղթող․ ՏԵՍԱՆՅՈՒԹ
Նիկոլ Փաշինյանը դատարանում է վկայի կարգավիճակով. ՈՒՂԻՂ
Տեսանյութեր
03.04.2019 | 14:28
Արթուր Այվազյանի (Մանախ) գործով որպես վկա քիչ առաջ դատարան ներկայացավ ՀՀ վարչապետ Նիկոլ Փաշինյանը։ Մինչ նրա գալը անվտանգության աշխատակիցները եկել էին դատարան և զննում էին տարածքը։
Նշենք, որ տևական ժամանակ էր, ինչ այս գործով նիստերը տեղի չէին ունենում Փաշինյանի չներկայանալու պատճառով, նա որպես վկա պետք է հարցաքննվեր:
Ի դեպ, նախքան վարչապետի ժամանելը դատարանում մաքրություն էր սկսվել, ակտիվ մաքրում էին մուտքի դռները, տարածքը:
Ըստ մեղադրական եզրակացության՝ Արթուր Այվազյանին մեղադրանք է առաջադրվել այն բանի համար, որ նա, 31.03.2017թ․ ժամը 22:40-ի սահմաններում Անդրանիկի փող․ թ․ 53 շենքի բակում անթաքույց արհամարհանք դրսևորելով հասարակության հանդեպ, «Ելք» դաշինքի համակիր Հայկ Սարգսյանի նկատմամբ բռնություն գործադրելով, կոպիտ կերպով խախտել է հասարակական կարգը: Միջադեպը եղել է «Ելք» դաշինքի քարոզարշավի ընթացքում եռագույնի շուրջ առաջացած խոսակցությունից, որի արդյունքում զենք է գործադրվել:
Արթուր Այվազյանին մեղադրանք է առաջադրվել ՀՀ քրեական օրենսգրքի 258-րդ հոդվածի 2-րդ մասով (Խուլիգանություն, որը զուգորդվել է անձի նկատմամբ բռնություն գործադրելով) եւ 235-րդ հոդվածի 1-ին մասով (ապօրինի կերպով զենք պահելը կամ փոխադրելը):
Լիլիթ Շաբոյան
