03.09.2026 | 19:29
Մենք նոր իրավիճակում ենք հայտնվել և փայփայում ենք, որ խաղաղությունը շարունակական լինի. ՀՀ նախագահը՝ Չեխիայի նախագահին
ԵԽԽՎ-ն շարունակում է աջակցել Հայաստանի ժողովրդավարական գործընթացներին. Լիլիան Մորի Պասքիե
Քաղաքականություն
27.03.2019 | 15:15
ԵԽԽՎ նախագահ Լիլիան Մորի Պասքիեի հետ հանդիպման ընթացքում քննարկել ենք մեր համագործակցությանն առնչվող ամենատարբեր հարցեր։ Այս մասին լրագրողների հետ ճեպազրույցի ընթացքում ասաց ԱԺ նախագահ Արարատ Միրզոյանը։
Նա նշեց, որ հանդիպման ընթացքում անդրադարձել են եղել նաև Հայոց ցեղասպանությանը, մարդու իրավունքներին վերաբերող հարցերի։
«Կարևորել և մեր բարձր գնահատականն ենք տվել ԵԽԽՎ-ի, մարդու իրավունքների հանձնակատարների, Վենետիկի ինստիտուտների դերակատարությանը վերջին տարիներին մեր երկրի ժողովրդավարացման գործում և վերահաստատել իրողությունը, որ անցած տարվա ապրիլ-մայիսին տեղի ունեցած ոչ բռնի հեղափոխությունից հետո ժողովրդավարական գործընթացները Հայաստանում այլևս անշրջելի են»,- նշեց ԱԺ նախագահը:
ԵԽԽՎ նախագահ Լիլիան Մորի Պասքիեն էլ ընդգծեց, որ հանդիպման ընթացքում վերահաստատել են ԵԽԽՎ աջակցությունը Հայաստանում տեղի ունեցող ժողովրդավարական գործընթացներին, անդրադարձել են խնդիրների, որոնք առաջնահերթություն են Եվրոպայի համար. տղամարդկանց և կանանց միջև հավասարություն, բռնության, ատելության խոսքի, ազգայնականության դեմ պայքար:
Նելլի Մելքոնյան
