07.02.2026 | 00:13
Հայաստանի պատվիրակությունը՝ ձմեռային Օլիմպիական խաղերի բացմանը․ ՏԵՍԱՆՅՈՒԹ, ԼՈՒՍԱՆԿԱՐՆԵՐ
Այս Կառավարության պատասխանները հիասթափեցնող են. ԱԺ-ի բակում պահանջում են Նիկոլ Փաշինյանին. ՏԵՍԱՆՅՈՒԹ
Հասարակություն
27.03.2019 | 14:32
Գրավատների և փոխանակման կետերի ներկայացուցիչներն ԱԺ-ի բակում բողոքի ակցիա են իրականացնում: Նրանք պահանջում են հանդիպում վարչապետ Նիկոլ Փաշինյանի հետ, որն այս պահին խորհրդարանում զեկուցում է Կառավարության նախորդ տարվա կատարողականը:
Ըստ բողոքողների՝ ֆինանսների նախարարն ու Կենտրոնական բանկի նախագահը Փաշինյանին կեղծ տվյալներ են տրամադրել, ինչի արդյունքում որոշվել է պետտուրքը բարձրացնել: Factor.am-ի հետ զրույցում նրանք փոխանցեցին, որ խնդրի մասին անձամբ են ցանկանում զրուցել վարչապետի հետ:
«Այս Կառավարության պատասխանները հիասթափեցնող են, պետք է փակվենք: Ինչ մոտեցումներ ուներ նախկին Կառավարությունը, ոչինչ չի փոխվել: Ամեն ինչ մնացել է նույնը: Լիահույս ենք, որ վարչապետի պատասխանը նույնը չի լինելու»,- նշեցին բողոքի ակցիայի մասնակիցները:
Հիշեցնենք, որ շրջանառության մեջ է դրվել «Պետական տուրքի մասին» օրենքում փոփոխություններ կատարելու նախագիծը, որի համաձայն՝ գրավատների համար ներկայիս 100 հազար դրամի փոխարեն պետական տուրքը կդառնա 6 միլիոն, իսկ փոխանակման կետերի համար՝ 50 հազար դրամի փոխարեն՝ 3 միլիոն դրամ:
Մանրամասները՝ տեսանյութում:
Նարեկ Կիրակոսյան
