16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
Պենտագոնը 1 մլրդ դոլար է տրամադրել Մեքսիկայի հետ սահմանին պատի կառուցման համար
Քաղաքականություն
26.03.2019 | 17:59
ԱՄՆ պաշտպանության նախարարի պաշտոնակատար Պատրիկ Շանահանը թույլատրել է 1 մլրդ դոլար հատկացնել՝ ԱՄՆ-ի հարավային սահմանին պատի՝ շուրջ 91 կմ երկարությամբ հատվածի կառուցման համար: Այս մասին գրում է ՏԱՍՍ-ը՝ վկայակոչելով Պենտագոնի մամուլի ծառայությունը:
«Այսօր պաշտպանության նախարարի պաշտոնակատար Պատրիկ Շանահանը ԱՄՆ բանակի ինժեներական զորքերի հրամանատարին թույլատրել է սկսել 1 մլրդ դոլար արժողությամբ ծրագրի պլանավորումն ու իրականացումը՝ ներքին անվտանության նախարարությանն ու մաքսային և սահմանային ծառայություններին աջակցելու համար»,- ասված է փաստաթղթում:
Գումարն օգտագործվելու է Արիզոնա նահանգի Յումա և Թեխաս նահանգի Էլ Պասո քաղաքների շրջանում 57 մղոն (շուրջ 91 կմ) երկարությամբ սահմանային պատի կառուցման համար:
Նշենք, որ ԱՄՆ նախագահ Դոնալդ Թրամփը փետրվարի 15-ին երկրի հարավային սահմանին արտակարգ դրության ռեժիմ սահմանելու մասին հռչակագիր էր ստորագրել: Մինչ այդ էլ, Թրամփն ու հանրապետական կոնգրեսականները ձգտում էին բյուջեից ավելի քան 5.7 մլրդ դոլար ստանալ՝ Մեքսիկայի հետ սահմանին պատի կառուցման համար: Այս հարցով վիճաբանությունների պատճառով 2018 թվականի դեկտեմբերի 22-ից դաշնային կառավարությունը ռեկորդային՝ 35 օր շարունակ դադարեցրել էր աշխատանքը:
