02.07.2026 | 12:30
Ալեն Սիմոնյանի ճեպազրույցը. ՈւՂԻՂ
Հերիքնազ Տիգրանյանը Կոռուպցիայի կանխարգելման հանձնաժողովի ու դրա անդամներին ներկայացվող չափորոշիչների վերաբերյալ օրենսդրական նախաձեռնության անհրաժեշտություն է տեսնում․ ՏԵՍԱՆՅՈՒԹ
Քաղաքականություն
13.03.2019 | 14:19
Ազգային ժողովի «Իմ քայլը» խմբակցության պատգամավոր Հերիքնազ Տիգրանյանի խոսքով՝ «Հանրային ծառայության մասին» ՀՀ օրենքում կատարվող փոփոխություններով ընդամենը ապահովվելու է հայտարարագրման մեխանիզմների շարունակականությունը, որից հետո կարող են առաջարկել փոփոխություններ «Հանրային ծառայությունների մասին» և «Կոռուպցիայի կանխարգելման հանձնաժողովի մասին» օրենքներում։
Ըստ պատգամավորի՝ թեև 2017 թվականին ընդունվել է «Կոռուպցիայի կանխարգելման հանձնաժողովի մասին» օրենքը, բայց այն այդպես էլ չձևավորվեց։
«Նախկինում չգտնվելով ԱԺ-ում, երբ ես այս օրենսդրական նախաձեռնությանը հետևում էի որպես ՀԿ-ի ներկայացուցիչ, մենք արեցինք հայտարարություն, որ այդ հանձնաժոովի ձևավորման համար մրցութային խորհրդի ձևավորումը եղել է ոչ այնքան թափանցիկ և հրապարակային, հետևաբար մենք կասկածի տակ էինք դնում այդ կառույցի թափանցիկությունը»,- ասաց Հերիքնազ Տիգրանյանը։
Վերջինս նաև նշեց, որ կարծում է, որ ձեռնամուխ կլինեն օրենսդրական փոփոխությունների՝ Կոռուպցիայի կանխարգելման հանձաժողովի անդամներին ներկայացվող պահանջների և դրա ձևավորման մեխանիզմների վերաբերյալ։
Նշենք, որ պատգամավորների ելույթից հետո «Հանրային ծառայության մասին» օրենքի նախագիծն Ազգային ժողովն ընդունեց 113 կողմ ձայնով։
Մանրամասները՝ տեսանյութում։
Աղավնի Սուքիասյան
