15.05.2026 | 23:20
Հուլիսի 1-ից Երևան-Բուխարեստ նոր ուղիղ չվերթ կմեկնարկի
Կոռուպցիայի կանխարգելման հանձնաժողովը չի լինելու իշխանության վերահսկողության ներքո․ Նաիրա Զոհրաբյան․ ՏԵՍԱՆՅՈՒԹ
Քաղաքականություն
13.03.2019 | 13:43
Ազգային ժողովում այսօր քննարկվում է «Հանրային ծառայության մասին» Հայաստանի Հանրապետության օրենքում փոփոխություններ կատարելու մասին օրենքի նախագիծը, որով առաջարկվում է կարգավորել Կոռուպցիայի կանխարգելման հանձնաժողովի չստեղծման արդյունքում առաջացած մի շարք խնդիրներ։
ԱԺ ԲՀԿ-ական պատգամավոր Նաիրա Զոհրաբյանը նշեց, որ հակակոռուպցիոն այդ հանձնաժողովի ստեղծումը սահմանված ժամկետում հնարավոր չեղավ իրականացնել՝ արտահերթ ընտրությունների և տեխնիկական խնդիրների պատճառով, սակայն արդեն մշակված են չափորոշիչները, հանձնաժողովի անդամների համար մշակված է համապատասխան հարցաշարը։
«Այդ հանձնաժողովը չի լինելու իշխանության վերահսկողության ներքո։ Լինելու է անկախ հանձնաժողով և օրենքում հստակ նշված են, թե ովքեր են կարողանալու լինել այդ հանձնաժողովի անդամ։ Այո՛, հանրային հեղինակություն և մաքուր կենասգրություն ունեցող մարդիկ են լինելու, որոնք հարցաշարն անցնելուց հետո կարող են դառնալ հանձնաժողովի անդամ»,- ասաց Զոհրաբյանը՝ շեշտելով․ «Սխալ տպավորություն կար, մարդկանց թվում էր, որ խոսքը այն հանձնաժողովի մասին է, որը նորից պետք է գլխավորի վարչապետը։ Ո՛չ, անկախ հանձնաժողովի մասին է խոսքը»։
Մանրամասները՝ տեսանյութում։
Աղավնի Սուքիասյան
