02.07.2026 | 22:37
Վթարային ջրանջատում` Արարատի մարզում
Կարող է ստացվել այնպես, որ շուկայում խոշորները կլանեն ՓՄՁ-ներին․ Բաբկեն Թունյանը՝ գազավորված ըմպելիքներն ակցիզային հարկով հարկելու մասին․ ՏԵՍԱՆՅՈՒԹ
Տնտեսություն
12.03.2019 | 13:54
Ազգային ժողովի «Իմ քայլը» խմբակցության պատգամավոր Բաբկեն Թունյանի համոզմամբ՝ Հարկային օրենսգրքում կատարվող փոփոխությունների վերաբերյալ գազավորված ըմպելիքների արտադրությամբ զբաղվող տնտեսվարողների դժգոհությունը տեղին է։
«Այդ ակցիզային հարկով հարկելու առողջապահական հիմնավորումը, մեղմ ասած, շատ վիճահարույց է, որովհետև մենք շաքարի փոխարեն շեշտը դնում ենք գազավորվածի վրա, որի արդյունքում կարող է շաքար պարունակող ավելի վնասակար խմիչքը դուրս մնա ակցիզային հարկից․ դա առողջապահական առումով հիմնավորում չունի։ Մյուս կողմից՝ ՓՄՁ-ների հետ կապված էլ սա նշանակում է, որ ցածր գնային սեգմենտում աշխատողներն են այդ առաջարկվող փոփոխություններից տուժելու։ Կարող է ստացվել այնպես, որ շուկայում խոշորները խժռեն փոքրերին և նրանց մասնաբաժինը վերցնեն իրենց մրցակցության արդյունքում»,- ասաց Թունյանը։
Անդրադառնալով գրավատների տուրքերը 60 անգամ ավելացնելու առաջարկությանը՝ Թունյանը նշեց, որ Ազգային ժողովում դեռ պետք է քննարկեն և հասկանան դրա հիմնավորումները և չի բացառվում, որ խորհրդարան բերված Հարկային օրենսգրքի փոփոխությունները այն տեսքով, որով կներկայացվի՝ մերժվի, եթե առաջարկներ լինեն ու դրանք չընդունվեն։
Աղավնի Սուքիասյան
