08.12.2025 | 23:14
Վերջնական որոշում չկա. Բայրամովը՝ Ադրբեջանի կողմից Գազա զորակազմ ուղարկելու մասին
Ո՞ւմ է պատկանում Կիրովի անվան այգում կառուցվող օբյեկտը. ՀԺ
16.08.2017 | 09:15
«Հայկական ժամանակ» թերթը գրում է.
«Երևան քաղաքի Կիրովի անվան այգում (կոմայգի) 2014 թվականից սկիզբ առած բարեկարգման ծրագիրը նոր-նոր փորձում են իրականություն դարձնել:
«Սատուրն-Ա» սահմանափակ պատասխանատվությամբ ընկերությունը 2017 թվականի մայիսի 11-ին ստացած շինարարական մի քանի թույլտվությունների համաձայն՝ սկսել է կառուցապատման աշխատանքները ինչպես նախկին կիսախարխուլ շինությունների տեղում, այնպես էլ երեք առանձին շինհրապարակներում:
«Հայկական ժամանակը» դեռևս 2015 թվականի օգոստոսին գրել էր, որ «Սատուրն-Ա» ՍՊԸ-ն վարձակալում է այգու տարածքը` ավելի քան 31 հազար քմ մակերեսով: Այդ մասին վկայում է Երևանի քաղաքապետի 3999-Ա որոշումը: Իսկ ընկերությունը, ըստ որոշ տեղեկությունների, պատկանում է կառավարությանն առընթեր քաղաքաշինության պետական կոմիտեի նախագահի տեղակալ Արմեն Ղուլարյանի եղբորը՝ Ղևոնդ Ղուլարյանին: Դեռևս 2014 թվականից սկսվել էին բարեկարգման աշխատանքները»:
Առավել մանրամասն՝ «Հայկական ժամանակ»թերթի այսօրվա համարում:
