02.07.2026 | 22:37
Վթարային ջրանջատում` Արարատի մարզում
«Ես չեմ տեսնում Արամ Սիմոնյանի լիազորությունները դադարեցնելու իրավական հիմք». Նազիկ Հարությունյան․ ՏԵՍԱՆՅՈՒԹ
Հասարակություն
28.02.2019 | 14:02
ԵՊՀ-ում այսօր մեկնարկեց Հոգաբարձուների խորհրդի արտահերթ նիստը, որը, սակայն, մեկնարկից կարճ ժամանակ անց տապալվեց, և հոգաբարձուների խորհրդի անդամները չհաստատեցին նիստի օրակարգը։
ԵՊՀ դասախոս, Հոգաբարձուների խորհրդի անդամ Նազիկ Հարությունյանն իր ելույթում նշեց, որ իր համար անհասկանալի են նիստի մեկնարկից հետո տեղի ունեցած որոշ ելույթներ, քանի որ դրանք, ըստ նրա, վեր չեն հանում համալսարանի առաջ ծառացած խնդիրներն ու հնչեցված ելույթներում արտացոլված չեն խնդիրների վերաբերյալ մտահոգված համալսարանականների առաջարկները։
«Հոգաբարձուների խորհրդի կազմում պետք է ներգրավված լինեն մարդիկ, որոնք մտահոգված են համալսարանի խնդիրներով։ Այո՛, այս խորհրդում բոլորս մտահոգված ենք համալսարանի խնդիրներով՝ այդ թվում և ես։ Մենք պետք է համալսարանի առաջ ծառացած խնդիրների հիմքերը քննարկեինք, գտնեինք դրանց լուծումները, որից հետո նոր կարող էինք ունեցած եզրակացությունը դնել քննարկման և բարձրացնել համալսարանի ռեկտորին անվստահություն հայտնելու հարցը։ Ստացվում է, որ կա հակասություն, մենք առանց դա լուծելու անում ենք քննարկում և դնում Արամ Սիմոնյանի լիազորությունների դադարեցման հարցը։ Ես չեմ տեսնում Արամ Սիմոնյանի լիազորությունները դադարեցնելու իրավական հիմք»,- ասաց Հարությունյանը։
Մանրամասները՝ տեսանյութում։
Աղավնի Սուքիասյան
