02.07.2026 | 22:37
Վթարային ջրանջատում` Արարատի մարզում
ԵԱՀԿ ՄԽ համանախագահներին հետաքրքրել են Դավոսում Փաշինյանի ու Ալիևի միջև տեղի ունեցած հանդիպման մանրամասները. ԱԳՆ. ՏԵՍԱՆՅՈՒԹ
Քաղաքականություն
20.02.2019 | 18:43
ՀՀ արտաքին գործերի նախարար Զոհրաբ Մնացականյանը փետրվարի 20-ին հանդիպել է ԵԱՀԿ Մինսկի խմբի համանախագահներ Իգոր Պոպովի (Ռուսաստան), Ստեֆան Վիսկոնտիի (Ֆրանսիա), Էնդրյու Շոֆերի (ԱՄՆ), ինչպես նաև ԵԱՀԿ գործող նախագահի անձնական ներկայացուցիչ Անջեյ Կասպրչիկի հետ: Այս մասին տեղեկանում ենք ՀՀ ԱԳՆ մամուլի ծառայությունից:
«ՀՀ ԱԳ նախարարի և համանախագահների քննարկումների առանցքում էին Լեռնային Ղարաբաղի հիմնահարցի խաղաղ կարգավորման գործընթացի շրջանակում տեղի ունեցած վերջին հանդիպումենրի ընթացքում բարձրացված հարցերը: Համանախագահներին, մասնավորապես, հետաքրքրում էին հունվարին Դավոսում Հայաստանի վարչապետի և Ադրբեջանի նախագահի միջև տեղի ունեցած հանդիպման մանրամասները:
Զոհրաբ Մնացականյանը վերահաստատեց Հայաստանի մոտեցումները և դիրքորոշումը հիմնահարցի բացառապես խաղաղ հանգուցալուծման ուղղությամբ, ինչպես նաև կարգավորման գործընթացի համար նպաստավոր մթնոլորտի կարևորությունը:
Զրուցակիցները մտքեր փոխանակեցին գործընթացի շրջանակում հետագա քայլերի և հանդիպումենրի շուրջ»,- ասված է հաղորդագրությունում:
