Տնտեսություն
12.02.2019 | 17:17Ազգային ժողովի «Իմ քայլը» խմբակցության պատգամավոր Թագուհի Թովմասյանն այսօր խորհրդարանում բարձրաձայնեց Գեղարքունիքի մարզի Վարդենիս համայնքի բնակիչների մտահոգությունը կապված համայնքի հիվանդանոցը հոսպիտալին միացնելու խնդրի հետ՝ հետաքրքվելով Նիկոլ Փաշինյանից Կառավարության դիրքորոշումը հարցի վերաբերյալ։
Կառավարության ղեկավար Նիկոլ Փաշինյանը նշեց, որ կոնկրետ Վարդենիսի հետ կապված հստակ որևէ բան չի կարող ասել, բայց հիշեց, որ նմանատիպ խնդիր կար կապված Սիսիանի բժշկական կենտրոնի հետ։
«Եթե ես չեմ սխալվում, այդտեղ հնարավոր եղավ գալ ընդհանուր հայտարարի և հարցը լուծել, համենայնդեպս, մենք նույն մոդելը կփորձենք առաջարկել նաև Վարդենիսի մեր հայրենակիցներին, և հույս ունեմ, որ ընդունելի կլինի նրանց համար և հարցը կլուծվի»,-ասաց վարչապետը։
Մանրամասները՝ տեսանյութում։
