02.07.2026 | 22:37
Վթարային ջրանջատում` Արարատի մարզում
Գնային տարբերությունը փոխհատուցվելու է «Գազպրոմ Արմենիայի» ներքին կարգավորումների շնորհիվ. վարչապետի խոսնակը՝ «Գազպրոմ Արմենիայի» հետ բանակցությունների մասին
08.02.2019 | 14:33
Հանրային ծառայությունները կարգավորող հանձնաժողովի և «Գազպրոմ Արմենիա» ընկերության միջև գազի գնի շուրջ բանակցությունները շարունակվում են: Պատասխանելով Factor.am-ի հարցին՝ ասաց վարչապետի մամուլի խոսնակ Վլադիմիր Կարապետյանը, ըստ էության, հերքելով մամուլում շրջանառվող լուրերը, որ որևէ բանակցություն չկա «Գազպրոմի» հետ:
«Համապատասխան մասնագետների միջև գնի սակագնային մարժայի մեծության վերաբերյալ բանակցություններն ընթանում են»,- ասաց Վլադիմիր Կարապետյանը:
Factor.am-ի հստակեցնող հարցին՝ ինչքան կշարունակվեն այդ բանակցությունները և երբ հանրությունը արդյունքներից կտեղեկանա, Կարապետյանը պատասխանեց. «Երբ բիզնես կառույցները բանակցում են կամ կառավարության ներկայացուցիչներն ու բիզնես կառույցները, ապա դժվար է ասել՝ երբ կավարտվեն: Հստակ է, որ գնային տարբերությունը փոխհատուցվելու է «Գազպրոմ Արմենիայի» ներքին որոշակի կարգավորումների շնորհիվ»:
Հիշեցնենք՝ տարեվերջին հայտնի դարձավ, որ ռուսական կոմղը մինչև սահման հասնող գազի գինը թանկացրել է՝ 1000 խորանարդ մետրի դիմաց վճարվող 150 դոլարի փոխարեն հունվարի 1-ից Հայաստանը վճարելու է 165 դոլար:
Կառավարության ղեկավարը վստահեցրել է՝ սպառողների համար գազը չի թանկանա:
