15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Հավի մսի, բրնձի մաքսատուրքերը կբարձրանան, ի՞նչ կկատարվի այդ մթերքների շուկայում. ՏԵՍԱՆՅՈՒԹ
Տնտեսություն
08.02.2019 | 13:23
Հայաստանում 752 անուն ապրանքի մաքսատուրքերը բարձրանալու են․ այս մասին այսօր Ազգային ժողովի տարածաշրջանային և եվրասիական ինտեգրման հարցերի մշտական հանձնաժողովի անդրանիկ նիստում ասաց հանձնաժողովի նախագահ Միքայել Մելքումյանը։
«Սա նշանակում է, որ այդ ապրանքները մեզ մոտ ինչ-որ չափով թանկանալու են։ Մյուս կողմից, մենք Առևտրի համաշխարհային կազմակերպության անդամ ենք և խնդիր ունենք նաև այդ կազմակերպության հետ, որովհետև եթե 3-րդ երկրներից ցածր մաքսատուրքերով ապրանքներ պետք է գային ՀՀ, հիմա, մաքսատուրքերի բարձրացմամբ պայմանավորված, կա՛մ ավելի քիչ ապրանքներ կգան, կա՛մ չեն գա։ Հիմա արդյոք ՀՀ-ն հարց է բարձրացրել ԵՏՄ-ի առաջ, որպեսզի մենք որոշ ապրանքների համար մաքսատուրքերը իջեցնենք»,- դիմելով Տնտեսական զարգացման և ներդրումների նախարարի տեղակալ Բաբայանին, ասաց հանձնաժողովի նախագահ Միքայել Մելքումյանը։
Ի պատասխան՝ Բաբայանը նշեց, որ ՀՀ-ն ԵՏՄ-ին անդամակցելով ստանձնել է մաքսատուրքերը բարձր չափով վճարելու պարտավորություն, սակայն որոշակի ապրանքների մասով կարող է լինել մաքսատուրքերի նվազեցում։ «Մաքսատուրքերը 500 ապրանքների համար այս տարի բարձրանալու են մինչև 4 տոկոսով, իսկ ՀՀ-ի համար զգայուն ապրանքատեսակների հետ կապված պատրաստվում ենք առաջարկներ ներկայացնել ԵՏՄ-ին՝ արտոնություն ստանալու կամ մաքսատուրքի նվազեցման համար»,- ասաց Բաբայանը։
Միքայել Մելքումյանը հետաքրքրվեց՝ արդյոք Տնտեսական զարգացման և ներդրումների նախարարությունն ունի համապատասխան վերլուծություն, թե տեղական արտադրությունն ինչպե՞ս է արձագանքելու մաքսատուրքերի բարձրացմանը և որո՞նք են այն ապրանքները, որոնց մաքսատուրքերը կբարձրանան։
«Հավի մսի մաքսատուրքն այս տարվանից 4 տոկոսով բարձրանում է, իսկ քանի որ այս ապրանքատեսակի մասով ՀՀ-ն համարվում է ինքնաբավ, չունենք մտավախություն, որ այն կթանկանա։ Բրնձի մաքսատուրքը ևս կբարձրանա, սակայն ունենք քվոտա՝ Վիետնամից այդ ապրանքատեսակը առանց մաքսատուրքի ներմուծելու համար․ այսինքն, եթե մաքսատուրքերը բարձրանում են, շուկաների ուղղությունն է փոխվում, և մենք սկսում ենք ներմուծել այն պետություններից, որոնց հետ ունենա ազատ առևտրի համաձայնագիր»,- ասաց Բաբայանը։
Մանրամասները՝ տեսանյութում։
Աղավնի Սուքիասյան
