16.07.2026 | 22:12
Ռռուս 6 միլիարդատերերի զբոսանավերը՝ Թուրքիայի ափերի մոտ․ այնտեղ է նաև Պուտինի հետ կապվող «Վիկտորիա»-ն
Ես չէի ցանկանա, որ մեր պաշտոնյան հնամաշ կոստյումով պատվիրակություն ընդուներ. Հայկ Գևորգյան. ՏԵՍԱՆՅՈՒԹ
Քաղաքականություն
01.02.2019 | 14:10
Վերջին շրջանում՝ բարձրաստիճան պաշտոնյաների համար կատարվող ծախսերի մասին քննարկումներին այսօր Ազգային ժողովում լրագրողների հետ զրույցում անդրադարձավ «Իմ քայլը» դաշինքի պատգամավոր Հայկ Գևորգյանը։
Նրա խոսքով՝ բարձրաստիճան պաշտոնյաների ծախսերն ավելի շատ են, քանի որ նրանք պետք է ներկայանալի տեսք ունենան։
«Ես չեմ ուզենա, որ ՀՀ որևէ նախարար հնամաշ պիջակով միջազգային որևէ պատվիրակության ընդունի։ Բայց ամեն ինչ պետք է լինի չափի մեջ, և մենք պետք է այդ չափը սահմանենք՝ արդարացի, պատճառաբանված ու հիմնավոր տարբերակներ գտնելով»,- նշեց Հայկ Գևորգյանը։
Պարգևավճարներին անդրադառնալով, Հայկ Գևորգյանը նշեց, որ չի կարելի այս թեման մակերեսային դիտարկել։
«Այս պատմությունը արհեստականորեն ուռճացվեց։ Երկար տարիներ է՝ պարգևավճարներն ամբողջությամբ վարձատրման համակարգի մի մասն են։ Դրանք նաև 2018 թվականի պետական բյուջեի մասն են կազմում»,- ընդգծեց Հայկ Գևորգյանը, այնուամենայնիվ, նշելով, որ քննարկման խնդիր կա:
Մանրամասները՝ տեսանյութում:
Նելլի Մելքոնյան
