09.08.2026 | 18:10
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
Պայքարելու ենք այլընտրանքային ոռոգման համար. Հրաչ Բերբերյան
Տնտեսություն
08.08.2017 | 14:11
Հիմա գյուղացին կրկնակի է ոռոգում, քանի որ ջուրն անմիջապես գոլորշիանում է։ Սա բնականաբար կազդի բերքի վրա. լրագրողների հետ զրույցում ասաց «Ագրարագյուղացիական միավորման» նախագահ Հրաչ Բերբերյանը՝ խոսելով հանրապետությունում առկա աննախադեպ բարձր ջերմաստիճանի պայմաններում բերքի ակնկալվող ցուցանիշներից:
«Այս առումով ծանր վիճակ է հանրապետության բոլոր շրջաններում: Այլ հարց է ջրի քանակը բավարարո՞ւմ է, թե՞ ոչ: Դիմել ենք հանրապետության նախագահին՝ պարզելու, թե ինչու ամբարների ջուրը լավ չի կուտակվում, ինչո՞ւ ձագարները չեն մաքրվում»,- ասաց նա՝ ավելացնելով, որ հանրապետությունում ջրամբարների խնդիր կա, չնայած, որ հսկայական գումարներ են ծախսվել և՛Համաշխարհային բանկի ռեսուրսներից, և՛ գերմանական վարկից, բայց արդյունքում հանրապետության նախագահի հանձնարարականը չի կատարվում՝ բարեփոխումների հետ կապված:
«Իսկ կաթիլային համակարգը բարեփոխում չէ»,- ասաց նա՝ նշելով, որ պայքարելու են հասնելու համար այլընտրանքային ոռոգման:
Առավել մանրամասն՝ տեսանյութում:
