19.05.2026 | 11:48
Մասկն ընդդեմ Ալթմանի. դատարանը մերժել է OpenAI-ի դեմ աղմկահարույց հայցը
ՀՀ կառավարությունը գերմանական Scholz AG ընկերությանը 3600 եվրո կվճարի․ ՄԻԵԴ-ը որոշում է կայացրել
Հասարակություն
24.01.2019 | 16:52
Լուրեր
19.05.2026 | 11:31
Հրապարակվել է Սոնա Մնացականյանի վրաերթի գործով Վերաքննիչ դատարանի որոշումը. ՈՒՂԻՂ
19.05.2026 | 11:30
Ռուսական զորքերը հարվածել են Ուկրաինայի մի քանի շրջանների. զոհեր և վիրավորներ կան
2010թ. մարտի 19-ին գերմանական Scholz AG ընկերությունը Մարդու իրավունքների և հիմնարար ազատությունների կոնվենցիայի 34-րդ հոդվածի հիման վրա Հայաստանի Հանրապետության դեմ հայց էր ներկայացրել․ նշվում է ՄԻԵԴ-ի պաշտոնական կայքում։
Ընկերությունը 1990-ական թվականից կանոնավոր կերպով մետաղ է գնել Հայաստանում գրանցված Associates LLC ՍՊԸ-ից: 1999թ. փետրվարի 8-ին, 2000թ. ապրիլի 10-ին և 2003թ. ապրիլի 2-ին ընկերությունն ու իրեն պատկանող KBKS ընկերությունը երեք պայմանագիր են կնքել Associates LLC ՍՊԸ-ի հետ, որի շրջանակում գերմանական ընկերությունները պարտավորվել են մետաղի դիմաց նախապես վճարել LLC-ին:
2002թ. հայցվոր ընկերությունը LLC-ին տրամադրել է 100 000 եվրո վարկ, որի նպատակն LLC-ին՝ բանկից վերցված վարկի մարման հարցում աջակցելն էր: Սակայն գերմանական ընկերության տրամադրած գումարը չի վերադարձվել: Ստացվում է՝ LLC-ն չի կատարել իր պարտավորություններն ու նախապես ստացած գումարի դիմաց ավելի քիչ մետաղ է տրամադրել:
2005թ. ընկերությունների միջև իրականացված հաշվարկի արդյունքում պարզվել է, որ LLC-ն Scholz AG-ին պարտք է 1 213 824 դոլար: Բանակցություների արդյունքում հայցվոր ընկերությունը համաձայնել է թեթևացնել պարտքային բեռն ու այն հասցնել 613 824 դոլարի՝ այն նախապայմանով, որ LLC-ն պարտքի մնացած մասը՝ 600 000 դոլարը, կվճարի ըստ սահմանված ժամանակացույցի:
Կողմերի միջև ձեռք բերված համաձայնության շրջանակում LLC-ն պարտավորվել է պարտքը մարել հինգ վճարումով, որից առաջինը պետք է տեղի ունենար 2005թ. դեկտեմբերի 15-ին:
Այդուհանդերձ, հայկական ընկերությունը չի կատարել իր ստանձնած պարտավորությունները, ինչից հետո Scholz AG-ն դիմել է Առևտրային դատարան: Դրան ի պատասխան՝ LLC-ն դիմել է ՀՀ Առևտրի պալատի արբիտրաժային դատարան: Որոշ ժամանակ անց, ՀՀ Առևտրի պալատի արբիտրաժային դատարան հայց է ներկայացրել նաև Scholz AG-ն, որը, սակայն, մերժվել է:
ՀՀ կառավարության որոշման համաձայն՝ նյութական վնասի փոխհատուցման հայցը պետք է մերժվեր, քանի որ նրանց պնդած խախտման ու նյութական վնասի միջև հստակ կապ չկա:
ՄԻԵԴ-ը ևս նման կապ չի տեսել ու մերժել է հայցը: Սակայն որոշվել է, որ հայցվոր ընկերությունը պետք է 3600 եվրոյի չափով ոչ նյութական փոխհատուցում ստանա՝ Կոնվենցիայի 6-րդ հոդվածի 1-ին կետի խախտման համար:
Իսկ ՀՀ կառավարությունը 3600 եվրոն պետք է վճարի երեք ամսվա ընթացքում:
