23.04.2026 | 12:31
Մենք մրցակցության մեջ չենք մտնում, քվե ենք ակնկալում. ԱԺԲ-ի անդամ․ ՏԵՍԱՆՅՈՒԹ
Ղրիմում Ուկրաինայի հետ սահմանին արգելապատնեշ են կառուցել
Քաղաքականություն
28.12.2018 | 20:59
Ղրիմի հյուսիսում՝ ռուս-ուկրաինական սահմանին ավարտվել են արգելապատնեշի կառուցման աշխատանքները: Շահագործման է հանձնվել նաև անվտանգության ազդանշանային համալիրը: Այս մասին ՌԻԱ Նովոստիին հայտնել են ԱԴԾ-ի Ղրիմի սահմանապահ ծառայությունից:
Գերատեսչությունում պարզաբանել են, որ արգելապատնեշի կառուցումը կապված է ուկրաինական դիվերսանտների ներթափանցման սպառնալիքի հետ: Բացի այդ՝ այն թույլ կտա կանխել զենքի, թմրանյութերի, վառելիքի և ալկոհոլի մաքսանենգությունը:
Ղրիմի տարածաշրջանից Պետդումայի պատգամավոր Միխայիլ Շերեմետի հավաստմամբ՝ պատնեշը հարկադրված և արդարացված միջոց է, հատկապես հաշվի առնելով սահմանակից պետության «ագրեսիայի և սադրանքների մակարդակը»:
Ինժեներական կառույցի երկարությունն ավելի քան 60 կմ է: Սահմանի երկայնքով գործողության տարբեր տեսակով մի քանի հարյուր ցուցիչ է տեղադրված, ինչպես նաև երկու ազդանշանային համալիր՝ վիբրացիոն և ռադիոճառագայթային ցուցիչներով:
Նշվում է, որ սահմանային պահպանության նման համակարգեր կիրառվում են նաև Ռուսաստանի հյուսիսում և Հեռավոր Արևելքում, ինչպես նաև «առավել սուր իրադրությամբ շրջաններում»:
Ուկրաինական կողմը, որը Ղրիմը Ռուսաստանի կողմից բռնազավթված տարածք է համարում, առայժմ որևէ կերպ չի մեկնաբանել արգելապատնեշի կառուցման փաստը:
