23.04.2026 | 11:17
Սամարայի վրա ուկրաինական հարձակման հետևանքով զոհ և վիրավորներ կան
Տարին աննախադեպ էր մեր կրթության պատմության մեջ. Լարիսա Մինասյան. ՏԵՍԱՆՅՈՒԹ
Հասարակություն
27.12.2018 | 13:49
«Բաց հասարակության հիմնադրամներ-Հայաստան» հիմնադրամի գործադիր տնօրեն Լարիսա Մինասյանը կարծում է, որ 2018 թվականն աննախադեպ էր մեր պատմության, մանավանդ՝ կրթության պատմության մեջ:
«Այն իսկապես արթնացրեց մեր երիտասարդությանը կրթության, դրա բովանդակության և արժեքի հանդեպ: Եվ ամբողջ հասարակությանն արթնացրեց կրթության աննախադեպ մեծ պրոբլեմների հանդեպ: Դա առաջընթաց էր, որը ոչ մի ռազմավարության թղթով, ոչ մի Բաց հասարակության կամ քաղաքացիական այլ կազմակերպության գործունեությամբ չէր կարելի մտածել, որ հասնելու ենք»,- նշեց նա:
Ըստ Լարիսա Մինասյանի՝ քաղաքացիական կրթության բաղադրիչը մենաշնորհով զավթված էր իշխանության կողմից. «Քաղաքացիական կրթությունը բացարձակ տրվում էր սովետական կամ որևէ այլ տոտալիտար համակարգի գաղափարախոսության վիճակում, բայց կրթության հետ դա կապ չունի, որևէ չափանիշի չէր համապատասխանում: Մենք և այլ կազմակերպություններ փորձում էինք այլընտրանք գտնել: Մեզ թվում էր, որ քիչ ենք անում, բայց հեղափոխությունը եկավ ցույց տալու, որ ինչ-որ բան կարողացել ենք»:
Նա նաև «Մարդկային կապիտալի ինդեքս» զեկույցի՝ կրթությանը վերաբերող բաժնից հատված ներկայացրեց, որի համաձայն՝ Հայաստանում 19-21 տարեկան երիտասարդների տասը տոկոսը գրագիտության պրոբլեմ ունի: «Այդ վիճակի հետ մենք պետք է առերեսվենք: Չեմ ուզում տագնապ բարձրացնել, բայց համակարգին պետք է տագնապի առջև կանգնեցնել»,- նշեց Լարիա Մինասյանը:
Մանրամասները՝ տեսանյութում:
