12.10.2026 | 22:10
ԵՄ-ն հստակեցրել է իր դիրքորոշումը երևանյան COP17-ի համար
Պետությունը բնակարանի գնման վկայագրեր կտրամադրի դրա կարիքն ունեցող զինծառայողների ընտանիքներին․ ՏԵՍԱՆՅՈՒԹ
Հասարակություն
27.12.2018 | 13:11
Կառավարության դեկտեմբերի 27-ի նիստում գործադիրն ընդունեց որոշման նախագիծ, ըստ որի, զինվորական ծառայության ընթացքում բնակարանային պայմանների բարելավման կարիք ունեցող և սահմանված կարգով 2018 թվականի դեկտեմբերի 1-ի դրությամբ հաշվառված, սակայն զինվորական ծառայության ընթացքում սեփականության իրավունքով անհատույց բնակարան չստացած զինծառայողների ընտանիքների բնակարանային խնդիրների լուծմանն աջակցելու նպատակով Հայաստանի Հանրապետության պաշտպանության նախարարությանը 2018 թվականին կհատկացվի 5.705.000,0 հազ. դրամ։
Այս նախագծով կլուծվեն նաև առողջության կամ տարիքի, կամ երկարամյա ծառայության զինվորական կենսաթոշակի անցնելու կապակցությամբ զինվորական ծառայությունից սահմանված կարգով արձակված նախկին զինծառայողների ընտանիքների բնակարանային խնդիրները։
Նշենք, որ 2018թ. դեկտեմբերի 1-ի դրությամբ սահմանված կարգով բնակարանային պայմանների կարիքավոր ճանաչված և ՀՀ պաշտպանության նախարարություն ներկայացված ցուցակների հիման վրա բնակհաշվառման հերթացուցակներում ընդգրկված են թվով 1141 նախկին զինծառայողների ընտանիքներ, որից 326-ը՝ քաղաք Երևանում:
Նախատեսվում է շահառուների գրավոր համաձայնության դեպքում յուրաքանչյուրին տրամադրել 2 տարի մարման ժամկետով և միջինը 5.000.000 դրամ արժեքով բնակարանի գնման վկայագիր:
Մանրամասները՝ տեսանյութում։
