11.08.2026 | 16:59
Ատրճանակներ, դանակներ, կռփազենք և թմրանյութ․ ՆԳՆ ոստիկանությունը ուժեղացված ծառայությունն է իրականացրել
Մշակույթի նախարարությունը եղել է բյուջետային բարիքներից օգտվելու հնարավորություն ու մշակույթի հետ կապ չի ունեցել․ Վահան Արծրունի․ ՏԵՍԱՆՅՈՒԹ
Քաղաքականություն
26.12.2018 | 13:16
«Այն ամենաթող վիճակը, որն ստեղծվել է Մշակույթի նախարարությունում անկախության այս 30 տարիների ընթացքում, պայմանավորված է նրանով, որ չկա որևէ օրենք, որով հստակ պետք է ամրագրվեր, թե որն է այս նախարարության հիմնական գործառույթը։ Այդ օրենքի բացակայությամբ է պայմանավորված եղել այն, որ յուրաքանչյուր ղեկավար, որը եկել է, իր համար ինչ-որ ֆունկցիա է հորինել, օրինակ, մեկը դայվինգի թանգարան էր ուզում հիմնել Սևանում կամ խոսում էր Օպերայում սպորտային դահլիճներ բացելու մասին։ Այս 30 տարիների ընթացքում այդ օրենքի բացակայության հետևանքով էլ նախարարությունը սահմանափակել է իր հետաքրքրությունների շրջանակը և այնտեղ տիրել է միայն նախարարությունը յուրայինների և ոչ յուրայինների բաժանելու միտում՝ նախարարության բարձր վարկանիշը իջեցնելով հավասարեցնելով տարրական գործակալության նիշին»,- այսօր հրավիրված «Օպտիմա՞լ է նախարարությունների օպտիմալացումը. գնահատում են մասնագետները» թեմայով քննարկման ժամանակ ասաց հեղինակ-կատարող Վահան Արծրունին։
Վերջինիս խոսքով՝ տարիներ շարունակ Մշակույթի նախարարության համար հատկացվել է բյուջե, որը տնօրինվել է գերատեսչության ղեկավարի կամայականությամբ, որի հետևանքով էլ ստեղծվել են հսկայական դեֆորմացիաներ՝ նաև հասկացությունների մեջ։
«Դոտացիոն համակարգի մեջ եղած աշխատակիցներն այլ պատկերացումներ ունեն մշակույթի մասին, այդ համակարգից դուրս մնացածների մի մասն էլ ընդհանրապես արհամարհանքով է խոսել Մշակույթի նախարարության մասին։ Մշակույթի նախարարությունը շատ հաճախ մշակույթի հետ կապ չի ունեցել և եղել է որոշ մարդկանց համար հնարավորություն վերաբաշխել հնարավորություններ և օգտվել բյուջետային բարիքներից, սրա պատճառով էլ տեղի ունեցավ նախարարության անկում»,- ասաց Արծրունին։
Մանրամասները՝ տեսանյութում։
