12.10.2026 | 12:19
Հյուսիսային Կորեան բալիստիկ հրթիռներ է արձակել Ճապոնական ծովի ուղղությամբ
Ովքեր հանցանք են գործել, պիտի պատասխան տան. Ժիրայր Սեֆիլյանը՝ Արայիկ Խանդոյանի մահվան մասին. ՏԵՍԱՆՅՈՒԹ
Հասարակություն
25.12.2018 | 13:33
Համոզված եմ, որ Արայիկ Խանդոյանի մահվան պատճառ են դարձել ոստիկանությունն ու անմարդկային բանտային պայմանները: Դեկտեմբերի 25-ին լրագրողների հետ հանդիպմանն այս մասին հայտարարեց «Սասնա Ծռեր» համահայկական կուսակցության առաջնորդ Ժիրայր Սեֆիլյանը:
«Բժշկական հետազոտությունները մեզ ապացուցում են, որ դատարանի նկուղում Արայիկի խոշտանգումը մեծ ազդեցություն է ունեցել նրա կյանքը կարճացնելու վրա: Այս ամենի մասին, իհարկե, առաջիկայում մեր պաշտպաններն ավելի մանրամասն կխոսեն, փաստերով հանդես կգան: Եվ ովքեր հանցանք են գործել, պիտի պատասխան տան»,- հավելեց Սեֆիլյանը:
Ինչ վերաբերում է անցնող տարվա իրադարձություններին, Սեֆիլյանը դրական երևույթ է համարում, իր խոսքով, երկրում քաղաքական դաշտի ձևավորումը: «Բոլորս հասկանում ենք, որ առանց ձևավորված քաղաքական դաշտի հնարավոր չի լինի երկրի զարգացումը ճիշտ հունի մեջ դնել: 1990-ականների սկզբին մեզ նման պատմական առիթ տրվել էր: Դժբախտաբար, այն ժամանակվա իշխանությունները, չհանդուրժելով ընդդիմադիր երևույթը, երկրորդ բևեռ հասկացությունը, ճնշեցին այդ ամենը, սկսեց մեր զարգացման անիվը հետ պտտվել և հասանք մինչև 2018 թվականը: Հիմա, կարծես, ժամանակն է գաղափարական դաշտի ձևավորման, գաղափարական բանավեճի, երկխոսության, առանց որի հնարավոր չէ քաղաքական դաշտը պատկերացնել»,- նշեց Ժիրայր Սեֆիլյանը:
Մանրամասները՝ տեսանյութում:
