28.04.2026 | 23:24
Երևանում երթևեկության փոփոխություն կկատարվի
2018թ. ավտորիտար չարիքը փլուզվեց, բայց չվերացավ. Գարեգին Չուգասզյան. ՏԵՍԱՆՅՈՒԹ
Քաղաքականություն
25.12.2018 | 13:15
2018 թվականին ավտորիտար չարիքը փլուզվեց, բայց չվերացավ՚ «Սասնա Ծռեր» համահայկական կուսակցության ամփոփիչ ասուլիսի ժամանակ նման կարծիք հայտնեց Գարեգին Չուգասզյանը:
Նա, միաժամանակ, նշեց, որ դա մեկ օրում տեղի չի ունենում: «Մեկ օրում բռնակալությունից ժողովրդավարություն անցում չի լինում: Ուստի մենք շատ լավ գիտակցում ենք անցումային շրջանի բարդությունները, հասկանում ենք, որ ավտորիտարիզմի հիմքը՝ քաղաքական և տնտեսական մենաշնորհները, դեռևս վերջնականապես վերացված չեն Հայաստանում: Անգամ խորհրդարանական ընտրություններին չի ձևավորվել բազմաբևեռ քաղաքական դաշտ, սակայն դրական միտումներն առկա են»,- նշեց նա:
Գարեգին Չուգասզյանը, ամեն դեպքում, դրական է գնահատում անցնող տարին. «Թե՛ ամբողջ ժողովրդի, թե՛ մեր կուսակցության համար շատ կարևոր տարի էր: Կարևորության առումով 2018 թվականը կարող ենք համեմատել 1988-ի հետ, քանի որ զարթոնքի առումով, թերևս, այս երկու տարիներն առանձնանում են: Վստահ ենք, որ հաջորդ տարին է՛լ ավելի հետաքրքիր է լինելու ժողովրդի համար՝ նաև դրական զարգացումների առումով»:
Ասուլիսի ընթացքում Չուգասզյանը խոսեց նաև այս տարվա բացթողումների մասին:
Մանրամասները՝ տեսանյութում:
