13.03.2026 | 19:45
ԱՄՆ-ն հայտնում է, որ Իրաքում կործանված ամերիկյան ինքնաթիռի անձնակազմի բոլոր 6 անդամները զոհվել են
Համաներման անվան տակ փորձեր են արվել ազատ արձակելու կոնկրետ անձանց, որոնց վրա այդ օրենքը չէր տարածվում. «Ժողովուրդ»
22.12.2018 | 09:25
«Ժողովուրդ» թերթը գրում է.«Հայաստանում մեծ համաներում հայտարարելուց հետո՝ արդեն նոյեմբերի 23-ին, ՀՀ գլխավոր դատախազը հրաման ստորագրեց «Համաներման մասին» ՀՀ օրենքի կիրառման գործընթացի օրինականության նկատմամբ դատախազական հսկողություն ու վերահսկողություն իրականացնելու վերաբերյալ:
Եվ, ահա, «Ժողովուրդ» օրաթերթին տեղեկություններ են հասել, որ դատախազի հրամանն իր նախապատմությունն ունի: Իրավապահները բացահայտել են, որ համաներման անվան տակ փորձեր են արվել ազատ արձակել կոնկրետ անձանց, որոնց վրա այդ օրենքը չէր տարածվում:
Ավելին՝ գործընթացը հասել է «վերևներ», որից հետո կանխվել: Ուստի հետագա նման դրսևորումները կանխելու նպատակով էլ ՀՀ գլխավոր դատախազ Արթուր Դավթյանը որոշել է հրաման ստորագրել: «Ժողովուրդ» օրաթերթը մեկնաբանությունների համար դիմեց ՀՀ գլխավոր դատախազություն, որտեղից նշեցին. «Համաներման օրենքի պահանջները կիրառվում են՝ հետաքննության, նախաքննության կամ իրավասու այլ մարմինների, դատարանների կողմից համապատասխան դատավարական ակտեր կայացնելով, որոնց օրինականությունն ստուգվում է դատախազության կողմից: ՀՀ գլխավոր դատախազի հրամանը միտված է այդ գործընթացի համակարգվածությունը և արդյունավետությունը բարձրացնելուն»,-գրում է թերթը:
Առավել մանրամասն՝ թերթի այսօրվա համարում:
