19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Պատրաստ եմ հանդիպել Հայաստանի վարչապետի հետ. Ալեքսանդր Զաս
Քաղաքականություն
21.12.2018 | 15:59
Բելառուսի Անվտանգության խորհրդի քարտուղար, ՀԱՊԿ գլխավոր քարտուղարի պաշտոնին հավակնող Ալեքսանդր Զասը պատրաստ է հանդիպել ՀՀ վարչապետի պաշտոնակատար Նիկոլ Փաշինյանի հետ:
«Ես պատրաստ եմ Հայաստանի վարչապետին հարմար ցանկացած ժամանակ մեկնել այնտեղ և հանդիպել նրա, արտաքին գործերի և պաշտպանության նախարարների հետ, քննարկել այն հարցերը կամ խնդիրները, որոնք նրանք տեսնում են կազմակերպության գործունեությունում, և հետագայում աշխատել նաև այդ խնդիրների ուղղությամբ»,- ԲԵԼՏԱ-ին ասել է Ալեքսանդր Զասը:
Նրա խոսքով՝ ՀԱՊԿ կանոնակարգը նախատեսում է սահմանափակ ձևաչափով որոշումների ընդունում, երբ ոչ բոլոր երկրներն են համաձայն այս կամ այն հարցի շուրջ:
«Բայց ես հույս ունեմ, որ ամեն դեպքում կոնսենսուս կլինի և ներկայում գոյություն ունեցող հարցերը կհանվեն: Դա գործի համար լավագույն և օգտակար տարբերակը կլինի: Հարկավոր է հաղթահարել այդ տարաձայնությունները և նորմալ աշխատել»,- հավելել է նա:
Նշենք, որ Բելառուսի նախագահ Ալեքսանդր Լուկաշենկոն այսօր ստորագրել է ՀԱՊԿ գլխավոր քարտուղարի պաշտոնում Ալեքսանդր Զասին նշանակելու մասին Հավաքական անվտանգության խորհրդի որոշման նախագիծը: Մինչ այդ նա հանդիպել է կազմակերպության անդամ պետություններից Ռուսաստանի, Ղազախստանի, Ղրղզստանի և Տաջիկստանի ղեկավարների հետ:
