03.07.2026 | 01:00
ԱԱ-2026. Իսպանիան վստահ հաղթեց և 1/8 եզրափակիչում է. ՏԵՍԱՆՅՈՒԹ
Լուկաշենկոն Բելառուսի ներկայացուցչին ՀԱՊԿ գլխավոր քարտուղարի պաշտոնում նշանակելու մասին որոշման նախագիծ է ստորագրել
Քաղաքականություն
21.12.2018 | 15:33
Բելառուսի նախագահ Ալեքսանդր Լուկաշենկոն ստորագրել է Ալեքսանդր Զասին ՀԱՊԿ գլխավոր քարտուղարի պաշտոնում նշանակելու մասին Հավաքական անվտանգության խորհրդի որոշման նախագիծը: Այս մասին տեղեկացնում է ԲԵԼՏԱ-ն: Նշենք, որ այս փաստաթուղթը պետք է ստորագրեն ՀԱՊԿ անդամ բոլոր պետությունները:
Բելառուսի Անվտանգության խորհրդի քարտուղար Ստանիսլավ Զասն այսօր Լուկաշենկոյի հետ հանդիպմանը տեղեկացրել է կազմակերպության անդամ պետությունների ղեկավարների հետ հանդիպումների մասին, որոնք պետք է համաձայնեցնեին ՀԱՊԿ գլխավոր քարտուղարի պաշտոնում նրա թեկնածությունը:
Նշանակման այս ձևաչափը Լուկաշենկոն առաջարկել էր Սանկտ Պետերբուրգում կազմակերպության անդամ պետությունների ղեկավարների նոյեմբերյան հանդիպման ժամանակ: Ալեքսանդր Զասն արդեն եղել է Ռուսաստանում, Ղազախստանում, Ղրղզստանում և Տաջիկստանում. այս երկրների ղեկավարները հավանության են արժանացրել Զասի թեկնածությունը:
Նշենք, որ Հայաստան Ալեքսանդր Զասը չի եկել:
