03.07.2026 | 05:09
ԱԱ-2026. Պորտուգալիան հաղթանակ կորզեց ու կխաղա Իսպանիայի հետ. ՏԵՍԱՆՅՈՒԹ
Եթե Կառավարությունը հարցը չլուծի, պատրաստ ենք նստացույց անել․ բողոքի ակցիայի կազմակերպիչ․ ՏԵՍԱՆՅՈՒԹ
Քաղաքականություն
21.12.2018 | 10:50
Մշակույթի և Սփյուռքի նախարարությունների աշխատակիցները նամակ հանձնեցին կառավարություն՝ պահանջելով վերանայել իրենց գերատեսչությունները լուծարելու կամ միավորելու որոշումը։
Ցուցարարները պահանջում էին հանդիպում վարչապետի պաշտոնակատար Նիկոլ Փաշինյանի հետ, սակայն նրանց մոտ իջավ Վարչապետի աշխատակազմի քաղաքացիների ընդունելության և դիմումների քննարկման վարչության պետ Ալեքսանդր Ղազարյանը։
«Մենք աշխատակիցներով չենք եկել մեր պաշտոնների ու աթոռների համար։ Մեր ժողովուրդը դարեր շարունակ ապրել է մշակույթով և Մշակույթի նախարարությունը Պաշտպանության նախարարության նման հույժ կարևոր է։ Եկեք ուժեղացնենք նախարարությունը, չեղարկեք նախագիծը և Մշակույթի նախարարությունը դիտարկեք որպես առանձին կառույց, որովհետև դա չի քննարկվել ոչ մի մասնագիտական մակարդակի վրա և դրա վերաբերյալ հանրային իրազեկում չի եղել»,- ասաց ակցիայի մասնակիցներից մեկը։
Բողոքող պետական աշխատողները շարունակում են հանդիպում պահանջել վարչապետի պաշտոնակատար Նիկոլ Փաշինյանի հետ։ Նրանք կառավարությանը մինչև երկուշաբթի ժամանակ տվեցին՝ իրենց նամակին պատասխանելու և պահանջը բավարարելու համար․ «Եթե մեր խնդրանք-բողոքին ընթացք չտրվի, մենք պատրաստ ենք նոր տարվա օրերն էլ հետը գործադուլ անել։ Խնդրում ենք փոխանցել պարոն վարչապետին»։
Մանրամասները՝ տեսանյութում:
