26.11.2024 | 19:22
Ստեփանծմինդա-Լարս ավտոճանապարհը փակ է
Թուրքական լոլիկի խնդիրը Հայաստանում միշտ է եղել, հիմա էլ ոչինչ չի փոխվել․ ֆերմեր․ ՏԵՍԱՆՅՈՒԹ
Տնտեսություն
18.12.2018 | 17:33
Հայաստանցի ֆերմերները լուրջ խնդիրների առաջ են կանգնել երկիր ներմուծվող թուրքական լոլիկի պատճառով, խնդիրը չի կարգավորվել անգամ նոր իշխանությունների օրոք, ուստի իրենք կանգնել են այլևս ջերմոցներում հայկական լոլիկ չաճեցնելու խնդրի առաջ։
«Թուրքական լոլիկի խնդիրը Հայաստանում միշտ է եղել, հիմա էլ ոչինչ չի փոխվել։ Փոքր մեքենաներով այնքան շատ են բերում, որ հավասար է մի քանի մեծ մեքենաների։ Լոլիկը Հայաստան մուտք գործում է Վրաստանից, սա խանգարում է հայ գյուղացուն։ Ես արդեն քանդել եմ իմ լոլիկի ջերմոցը, վերացրել եմ։ Մենք ունենք ընդամենը մեկ-երկու ֆերմեր, որոնք լոլիկ են աճեցնում, սակայն, թե ինչպես են վճարելու, օրինակ, ծախսած գազի դիմաց՝ հարց է»,- այսօր հրավիրված մամուլի ասուլիսի ժամանակ ասաց ֆերմեր Վարուժան Խոդեդանյանը։
Վերջինս նշեց, որ օրերս հանդիպում են ունեցել Գյուղատնտեսության նախարարությունում, սակայն խնդիրը չի կարգավորվել։
«Այս հարցով հանդիպեցինք գյուղնախարարին, նա քայլեր է ձեռնարկել, սակայն դա տևեց մի քանի օր, մի քանի օր գինը կարգավորված էր, սակայն կրկին տեղական լոլիկի գինը նվազել է և մեծածախ վաճառքի են դնում տեղական լոլիկը 500 դրամով, այնինչ թուրքական լոլիկը վաճառվում է 400 դրամով»,- ասաց նա։
Մանրամասները՝ տեսանյութում։
Աղավնի Սուքիասյան
